Prezident Qasym-Jomart Toqaev Almaty qalasynyń ákimi Erbolat Dosaevty qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysyna Almatynyń biylǵy qańtar-sáýir ailaryndaǵy ekonomikalyq jaǵdaiy týraly esep berildi. Osy kezeńde qysqa merzimdi ekonomikalyq indikator 107,6 paiyzǵa deiin kóterilgen. Negizgi kapitalǵa salynǵan investitsiianyń ósimi 21,3 paiyzǵa jetken. Qańtar oqiǵasynan keiingi qala ekonomikasynyń ósý qarqyny ekinshi jartyjyldyqtyń basynda tolyq qalpyna keledi dep boljanyp otyr.
Prezidentke Almatynyń 2030 jylǵa deiingi damýynyń negizgi baǵyttaryn aiqyndaityn basymdyqtar usynyldy.
Qasym-Jomart Toqaevqa áleýmettik mańyzy bar azyq-túlik taýarlarynyń baǵasyn turaqtandyrý sharalary týraly málimet berildi. Atap aitqanda, maýsym aralyǵynda erte pisetin kókónister jetkiziledi. Al turaqtandyrý qory 11-den 15 miliard teńgege deiin kóbeigen.
Memleket basshysyna zardap shekken shaǵyn jáne orta biznes sýbektileriniń shyǵynyn óteý jóninde bergen tapsyrmalarynyń oryndalý barysy baiandaldy. Búginge deiin quny 13,9 milliard teńge bolatyn 1556 ótinish maquldanǵan. Zardap shekken ShOB sýbektileriniń 97 paiyzy qańtar oqiǵasynan keiin jumysyna qaita kirisken.
Prezident jekemenshik investitsiialardy tartý úshin Almatynyń indýstriialdy aimaǵyn keńeitý jónindegi josparmen tanysty.
Erbolat Dosaev Qasym-Jomart Toqaevtyń qalada qurylystyń tyǵyz bolýyna jol bermeý jáne áleýmettik infraqurylymdy damytý jóninde bergen tapsyrmasynyń oryndalý barysy týraly aitty. Sondai-aq Memleket basshysyna Almatydaǵy nóser jaýynǵa arnalǵan káriz júiesin jańǵyrtýdyń 2025 jylǵa deiingi baǵdarlamasynyń negizgi erejeleri tanystyryldy.
Kezdesý sońynda Qasym-Jomart Toqaev birqatar naqty tapsyrma berdi.
