QR Ulttyq bank tóraǵasy Erbolat Dosaev otandyq bankter básekelestikke daiyn ekenin málim etti, dep habarlaidy QazAqparat.
«Maǵan únemi reseilik iri banktermen básekelestikke qatysty suraq qoiyp jatady. Búginde enshilis bank túrinde barlyq úsh iri institýt (Sberbank, VTB, Alfa bank) bizde jumys istep jatyr. Sonymen qatar, filial retinde qytailyq bankter de qyzmet kórsetýde», - dep toqtaldy E. Dosaev.
Osy oraida ol qazaqstandyq bankterdiń básekege qabilettiligine alańdaýdyń sebebi joq ekenin atap ótti.
«Aldaǵy jyldyń jeltoqsan aiynan bastap tikelei filialyn quratyn bas institýttyń negizgi kapitaly 20 mlrd AQSh dollaryn quraýy tiis. Bul óz kezeginde tek iri institýttardyń kirýin ǵana qamtamasyz etedi. Osy oraida bizdiń naryqqa olardyń kelýinen eshqandai problemany baiqap turǵanym joq. Kerisinshe, tikelei kapitalmen jáne birlesken kapital túrindegi 14 shetel bankiniń jumysy kezeńinde bizdiń banktik institýttar ózderiniń jumystaryn belsendi etip, tarifterin tómendetti, sondai-aq jańa ónimderdi engizdi», - dep toqtaldy E. Dosaev Parlament Májilisinde tilshiler saýalyna jaýap bere otyryp.
