قر ۇلتتىق بانك تٶراعاسى ەربولات دوساەۆ وتاندىق بانكتەر بەسەكەلەستٸككە دايىن ەكەنٸن مەلٸم ەتتٸ, دەپ حابارلايدى قازاقپارات.
«ماعان ٷنەمٸ رەسەيلٸك ٸرٸ بانكتەرمەن بەسەكەلەستٸككە قاتىستى سۇراق قويىپ جاتادى. بٷگٸندە ەنشٸلٸس بانك تٷرٸندە بارلىق ٷش ٸرٸ ينستيتۋت (سبەربانك, ۆتب, الفا بانك) بٸزدە جۇمىس ٸستەپ جاتىر. سونىمەن قاتار, فيليال رەتٸندە قىتايلىق بانكتەر دە قىزمەت كٶرسەتۋدە», - دەپ توقتالدى ە. دوساەۆ.
وسى ورايدا ول قازاقستاندىق بانكتەردٸڭ بەسەكەگە قابٸلەتتٸلٸگٸنە الاڭداۋدىڭ سەبەبٸ جوق ەكەنٸن اتاپ ٶتتٸ.
«الداعى جىلدىڭ جەلتوقسان ايىنان باستاپ تٸكەلەي فيليالىن قۇراتىن باس ينستيتۋتتىڭ نەگٸزگٸ كاپيتالى 20 ملرد اقش دوللارىن قۇراۋى تيٸس. بۇل ٶز كەزەگٸندە تەك ٸرٸ ينستيتۋتتاردىڭ كٸرۋٸن عانا قامتاماسىز ەتەدٸ. وسى ورايدا بٸزدٸڭ نارىققا ولاردىڭ كەلۋٸنەن ەشقانداي پروبلەمانى بايقاپ تۇرعانىم جوق. كەرٸسٸنشە, تٸكەلەي كاپيتالمەن جەنە بٸرلەسكەن كاپيتال تٷرٸندەگٸ 14 شەتەل بانكٸنٸڭ جۇمىسى كەزەڭٸندە بٸزدٸڭ بانكتٸك ينستيتۋتتار ٶزدەرٸنٸڭ جۇمىستارىن بەلسەندٸ ەتٸپ, تاريفتەرٸن تٶمەندەتتٸ, سونداي-اق جاڭا ٶنٸمدەردٸ ەنگٸزدٸ», - دەپ توقتالدى ە. دوساەۆ پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
