Jyl sońyna deiin kirisi tómen azamattarǵa kepilsiz qaryz berýge tyiym salatyn sharalar qabyldanady. Bul týraly búgin Ulttyq banktiń tóraǵasy Erbolat Dosaev málimdedi, dep habarlaidy "Ult aqparat".
Dosaev halyqtyń borysh júktemesiniń ósýine orai júieli táýekelderdi shekteý úshin shilde aiynda tutynýshylyq kreditterdiń sýbektilerin retteitin zań qabyldanǵanyn atap ótti.
"Jyl sońyna deiin 90 kúnnen asyp ketken bereshegi bar kepilsiz tutynýshylyq qaryzdar boiynsha turaqsyzdyq somasyn, komisiiany, ózge de tólemderdi esepteýge, kirisi kúnkóris deńgeiinen tómen azamattarǵa qaryz berýge tyiym salýdy kózdeitin sharalar qabyldanady", - dedi Dosaev Úkimet otyrysynda.
Budan bólek, kepilsiz tutynýshylyq qaryzdy kirisi tómen azamattarǵa bermeýge baǵyttalǵan retteý sharalary da qolǵa alynbaq.
Osy jyldyń maýsymynda Memleket basshysy Úkimet pen Ulttyq bankke tabysy kúnkóris deńgeiinen tómen azamattarǵa qaryz berýge tyiym salýdy tapsyrǵan edi.
Biyl Qazaqstanda eń tómengi kúnkóris deńgeiiniń mólsheri 29 698 teńge boldy.
