جىل سوڭىنا دەيٸن كٸرٸسٸ تٶمەن ازاماتتارعا كەپٸلسٸز قارىز بەرۋگە تىيىم سالاتىن شارالار قابىلدانادى. بۇل تۋرالى بٷگٸن ۇلتتىق بانكتٸڭ تٶراعاسى ەربولات دوساەۆ مەلٸمدەدٸ, دەپ حابارلايدى "ۇلت اقپارات".
دوساەۆ حالىقتىڭ بورىش جٷكتەمەسٸنٸڭ ٶسۋٸنە وراي جٷيەلٸ تەۋەكەلدەردٸ شەكتەۋ ٷشٸن شٸلدە ايىندا تۇتىنۋشىلىق كرەديتتەردٸڭ سۋبەكتٸلەرٸن رەتتەيتٸن زاڭ قابىلدانعانىن اتاپ ٶتتٸ.
"جىل سوڭىنا دەيٸن 90 كٷننەن اسىپ كەتكەن بەرەشەگٸ بار كەپٸلسٸز تۇتىنۋشىلىق قارىزدار بويىنشا تۇراقسىزدىق سوماسىن, كوميسييانى, ٶزگە دە تٶلەمدەردٸ ەسەپتەۋگە, كٸرٸسٸ كٷنكٶرٸس دەڭگەيٸنەن تٶمەن ازاماتتارعا قارىز بەرۋگە تىيىم سالۋدى كٶزدەيتٸن شارالار قابىلدانادى", - دەدٸ دوساەۆ ٷكٸمەت وتىرىسىندا.
بۇدان بٶلەك, كەپٸلسٸز تۇتىنۋشىلىق قارىزدى كٸرٸسٸ تٶمەن ازاماتتارعا بەرمەۋگە باعىتتالعان رەتتەۋ شارالارى دا قولعا الىنباق.
وسى جىلدىڭ ماۋسىمىندا مەملەكەت باسشىسى ٷكٸمەت پەن ۇلتتىق بانككە تابىسى كٷنكٶرٸس دەڭگەيٸنەن تٶمەن ازاماتتارعا قارىز بەرۋگە تىيىم سالۋدى تاپسىرعان ەدٸ.
بيىل قازاقستاندا ەڭ تٶمەنگٸ كٷنكٶرٸس دەڭگەيٸنٸڭ مٶلشەرٸ 29 698 تەڭگە بولدى.
