Jýrnalister májilis depýtaty Anas Bekqojaevtan elimizdegi turmystyq zorlyq-zombylyqpen kúres kúntártibinde turǵan kúrdeli másele ekenine qaramastan, ne sebepti janjalǵa áieldiń uzyn tilin kinálaitynyn surady. Bul týraly "Ult aqparat" habarlaidy.
Depýtat onyń sózin kópshilikke durys jetkizbegen jýrnalisterdi kinálady. Aitýynsha, sol kúni sóz alǵanda jańa zań jobasyn qoldaitynyn jáne árbir er adam óziniń jasaǵan is-áreketine jaýap beretinin tilge tiek etkenin jetkizdi. Alaida buqaralyq aqparat quraldary bul bólimdi eskermegen, dep renjidi ol.
Ekinshi másele – psihologiialyq quraldarǵa nazar aýdardym. Eger er adam áieldi fizikalyq turǵydan jaraqattasa, tiisinshe, áiel onyń psihikasyn buzady. Munda janjaldyń sońy mindetti túrde zorlyq-zombylyqpen nemese tóbelespen aiaqtalý kerek degen sóz emes. Fizikalyq zardap qaldyrýdy múlde joqqa shyǵaramyn. Kez kelgen fizikalyq zorlyq-zombylyqqa qarsymyn", – dep túsindirdi Anas Baqqojaev.
Sonymen qatar depýtat bul jaǵdaida qazaqstandyqtardan keshirim suraýdyń retin kórmeitinin aitty. Aitýynsha, ol aqparattyq heitke ushyraǵan.
"Meniń oiymsha, bul – naǵyz heit. Eger logikalyq turǵydan qarasaq, árbir jýrnalist nelikten bulai aityldy dep oilaný kerek edi. Adam jalpy neni meńzep tur? Aityp turmyn ǵoi. Buǵan deiin áleýmettik jelide "Otbasy kodeksi" kitabyn shyǵarmai turyp, turmys máselelerin kóp zerttedik. Shyntýaitynda, janjaldyń shyǵýyna áieldiń tikelei sebepker ekenin jáne mundai jaittar kóp ekenin atap ótkim keledi. Sol kezde, áýeli, áielder meni keshirsin, biraq mundai faktiler de bar dep aittym. Biraq dóreki birnárse aittym dep oilamaimyn. Pikirdi aitýǵa quqyǵym bar. Eger bul týraly on myńnan asa otbasy talqylaǵan bolsa, oiymnyń oń bolǵany", – dep túiindedi depýtat Anas Baqqojaev.
Eske salaiyq, májilis depýtaty Anas Baqqojaev áielder quqyǵy men balalardyń qaýipsizdigin qamtamasyz etý týraly zań jobasyn tanystyrý barysynda janjaldyń shyǵýyna kóp jaǵdaida áieldiń "shaǵyp" sóileýi sebep ekenin aitqan bolatyn.
