Dopty hokkeiden Oraldyń «Aqjaiyǵy» joǵary liga komandalary arasynda búkilreseilik jarysqa daiyndalý ústinde, dep habarlaidy QazAqparat tilshisi.
Jańa maýsymda oraldyqtar úshinshi topta óner kórsetetin bolady.
Bul topta «Aqjaiyqtan» basqa «Maiak» (Krasnotýrinsk), «SKA-Sverdlovsk» (Ekaterinbýrg), «Nikelshik» (Verhnii Ýfalei), «Znamia-Ýdmýrtiia» (Votkinsk), «Lokomotiv» (Orynbor), «Kirovets» (Ýfa) komandalary bar.
Pandemiiaǵa bailanysty ótken maýsymǵa qatysa almaǵan oraldyqtar biylǵy alǵashqy oiyndaryn 2-3 jeltoqsanda Krasnotýrinskide jergilikti «Maiakpen» ótkizedi.
«Aqjaiyq» sport klýbynyń direktory mindetin atqarýshy Damir Qalaqovtyń aitýynsha, komandany burynǵysha oraldyq maman Nikolai Shavaldin jattyqtyrady.
«Aqjaiyq» namysyn negizinen jergilikti oiynshylar qorǵaidy. Sondai-aq reseilikter Maksim Pahomov, Sergei Bashaev jáne Aleksandr Slýgin qosyldy. Jańa maýsymda komanda aldyna finaldyq saiystarǵa joldama alý mindeti qoiylyp otyr», dedi Qalaqov.
