دوپتى حوككەيدەن ورالدىڭ «اقجايىعى» جوعارى ليگا كوماندالارى اراسىندا بٷكٸلرەسەيلٸك جارىسقا دايىندالۋ ٷستٸندە, دەپ حابارلايدى قازاقپارات تٸلشٸسٸ.
جاڭا ماۋسىمدا ورالدىقتار ٷشٸنشٸ توپتا ٶنەر كٶرسەتەتٸن بولادى.
بۇل توپتا «اقجايىقتان» باسقا «ماياك» (كراسنوتۋرينسك), «سكا-سۆەردلوۆسك» (ەكاتەرينبۋرگ), «نيكەلششيك» (ۆەرحنيي ۋفالەي), «زناميا-ۋدمۋرتييا» (ۆوتكينسك), «لوكوموتيۆ» (ورىنبور), «كيروۆەتس» (ۋفا) كوماندالارى بار.
پاندەميياعا بايلانىستى ٶتكەن ماۋسىمعا قاتىسا الماعان ورالدىقتار بيىلعى العاشقى ويىندارىن 2-3 جەلتوقساندا كراسنوتۋرينسكٸدە جەرگٸلٸكتٸ «ماياكپەن» ٶتكٸزەدٸ.
«اقجايىق» سپورت كلۋبىنىڭ ديرەكتورى مٸندەتٸن اتقارۋشى دامير قالاقوۆتىڭ ايتۋىنشا, كوماندانى بۇرىنعىشا ورالدىق مامان نيكولاي شاۆالدين جاتتىقتىرادى.
«اقجايىق» نامىسىن نەگٸزٸنەن جەرگٸلٸكتٸ ويىنشىلار قورعايدى. سونداي-اق رەسەيلٸكتەر ماكسيم پاحوموۆ, سەرگەي باشاەۆ جەنە الەكساندر سلۋگين قوسىلدى. جاڭا ماۋسىمدا كوماندا الدىنا فينالدىق سايىستارعا جولداما الۋ مٸندەتٸ قويىلىپ وتىر», دەدٸ قالاقوۆ.
