Dopty hokkeiden joǵary liga komandalary arasynda búkilreseilik jarysta Oraldyń «Aqjaiyǵy» óz aidynynda «Kirovets» (Ýfa) komandasyn qabyldady, dep habarlaidy QazAqparat.
Tynbai jaýǵan qar men boranǵa qaramastan, oiynshylar baryn salyp baqty.
Birinshi taimda «Aqjaiyqtyń» surmergeni, reseilik Maksim Pahomov 4-minýtta esep ashty. 33-minýtta taǵy bir reseilik Sergei Bashaev 2:0-ge jetkizdi. Bulardyń ekeýine de Oral dopty hokkeiiniń túlegi Bolat Muhit nátijeli pas berdi.
Ekinshi kezeńde match sońyna taman qonaqtardan Rýslan Gavrichkov esepti qysqartty.
Qorytyndy esep – 2:1, «Aqjaiyqtyń» paidasynda.
Oraldyq klýb osymen úshinshi ret qatarynan jeńiske jetti.
Bul oiynnan keiin 18 upai jinaǵan Nikolai Shavaldinniń shákirtteri úshinshi topta ekinshi orynǵa kóterildi.
Erteń «Jastar» stadionynda qos komanda ekinshi kezdesýin ótkizedi.
Eske sala keteiik, budan buryn «Aqjaiyqtyń» «Znamia-Ýdmýrtiia» komandasyn ekinshi ret jeńgenin jazǵan bolatynbyz.
