دوپتى حوككەيدەن جوعارى ليگا كوماندالارى اراسىندا بٷكٸلرەسەيلٸك جارىستا ورالدىڭ «اقجايىعى» ٶز ايدىنىندا «كيروۆەتس» (ۋفا) كومانداسىن قابىلدادى, دەپ حابارلايدى قازاقپارات.
تىنباي جاۋعان قار مەن بورانعا قاراماستان, ويىنشىلار بارىن سالىپ باقتى.
بٸرٸنشٸ تايمدا «اقجايىقتىڭ» سۇرمەرگەنٸ, رەسەيلٸك ماكسيم پاحوموۆ 4-مينۋتتا ەسەپ اشتى. 33-مينۋتتا تاعى بٸر رەسەيلٸك سەرگەي باشاەۆ 2:0-گە جەتكٸزدٸ. بۇلاردىڭ ەكەۋٸنە دە ورال دوپتى حوككەيٸنٸڭ تٷلەگٸ بولات مۇحيت نەتيجەلٸ پاس بەردٸ.
ەكٸنشٸ كەزەڭدە ماتچ سوڭىنا تامان قوناقتاردان رۋسلان گاۆريچكوۆ ەسەپتٸ قىسقارتتى.
قورىتىندى ەسەپ – 2:1, «اقجايىقتىڭ» پايداسىندا.
ورالدىق كلۋب وسىمەن ٷشٸنشٸ رەت قاتارىنان جەڭٸسكە جەتتٸ.
بۇل ويىننان كەيٸن 18 ۇپاي جيناعان نيكولاي شاۆالديننٸڭ شەكٸرتتەرٸ ٷشٸنشٸ توپتا ەكٸنشٸ ورىنعا كٶتەرٸلدٸ.
ەرتەڭ «جاستار» ستاديونىندا قوس كوماندا ەكٸنشٸ كەزدەسۋٸن ٶتكٸزەدٸ.
ەسكە سالا كەتەيٸك, بۇدان بۇرىن «اقجايىقتىڭ» «زناميا-ۋدمۋرتييا» كومانداسىن ەكٸنشٸ رەت جەڭگەنٸن جازعان بولاتىنبىز.
