Dopty hokkeiden joǵary liga komandalary arasynda búkilreseilik jarysta Oraldyń «Aqjaiyǵy» «Jastar» stadionynda «Kirovets» (Ýfa) komandasymen ekinshi oiynyn ótkizdi, dep habarlaidy QazAqparat tilshisi.
Birinshi taim basynda-aq «Aqjaiyqtyń» surmergeni, reseilik shabýylshy Maksim Pahomov osy maýsymdaǵy óziniń 21-inshi golyn soqty. Sondai-aq «Aqjaiyq» sapynan taǵy bir reseilik Sergei Bashaev pen komanda kapitany Maksim Ótebaliev mergendigimen kózge tústi. Qonaqtar da qarap qalmai, «Aqjaiyq» qaqpasyna eki gol saldy.
Ekinshi kezeńde S.Bashaevtyń pasynan keiin M.Pahomov 55-minýtta esepti 4:2-ge jetkizdi. Degenmen bes minýttan keiin «Kirovetsten» Dmitrii Vahrýshev, sosyn Roman Frolov tarazy basyn teńestirip úlgerdi. Kóp uzamai M.Pahomov 12 metrlik aiyp dobyn dál oryndap, komandasyn qaita alǵa shyǵardy – 5:4. 70-minýtta M.Ótebalievtiń pasynan keiin taǵy bir reseilik Aleksandr Slýgin óz esebine bir gol jazdy – 6:4. Budan soń «Kirovets» esepti qysqartqanymen, odan árige shamasy jetpedi.
Jalpy esep – 6:5.
Osylaisha qatarynan tórtinshi ret jeńiske jetip, 21 upai jinaǵan oraldyq klýb úshinshi topta burynǵysynsha ekinshi orynda keledi.
Nikolai Shavaldinniń shákirtteri kelesi kezdesýlerin jańa jylda, 10-11 qańtarda «Lokomotiv» komandasymen ótkizedi.
