دوپتى حوككەيدەن جوعارى ليگا كوماندالارى اراسىندا بٷكٸلرەسەيلٸك جارىستا ورالدىڭ «اقجايىعى» «جاستار» ستاديونىندا «كيروۆەتس» (ۋفا) كومانداسىمەن ەكٸنشٸ ويىنىن ٶتكٸزدٸ, دەپ حابارلايدى قازاقپارات تٸلشٸسٸ.
بٸرٸنشٸ تايم باسىندا-اق «اقجايىقتىڭ» سۇرمەرگەنٸ, رەسەيلٸك شابۋىلشى ماكسيم پاحوموۆ وسى ماۋسىمداعى ٶزٸنٸڭ 21-ٸنشٸ گولىن سوقتى. سونداي-اق «اقجايىق» ساپىنان تاعى بٸر رەسەيلٸك سەرگەي باشاەۆ پەن كوماندا كاپيتانى ماكسيم ٶتەباليەۆ مەرگەندٸگٸمەن كٶزگە تٷستٸ. قوناقتار دا قاراپ قالماي, «اقجايىق» قاقپاسىنا ەكٸ گول سالدى.
ەكٸنشٸ كەزەڭدە س.باشاەۆتىڭ پاسىنان كەيٸن م.پاحوموۆ 55-مينۋتتا ەسەپتٸ 4:2-گە جەتكٸزدٸ. دەگەنمەن بەس مينۋتتان كەيٸن «كيروۆەتستەن» دميتريي ۆاحرۋشەۆ, سوسىن رومان فرولوۆ تارازى باسىن تەڭەستٸرٸپ ٷلگەردٸ. كٶپ ۇزاماي م.پاحوموۆ 12 مەترلٸك ايىپ دوبىن دەل ورىنداپ, كومانداسىن قايتا العا شىعاردى – 5:4. 70-مينۋتتا م.ٶتەباليەۆتٸڭ پاسىنان كەيٸن تاعى بٸر رەسەيلٸك الەكساندر سلۋگين ٶز ەسەبٸنە بٸر گول جازدى – 6:4. بۇدان سوڭ «كيروۆەتس» ەسەپتٸ قىسقارتقانىمەن, ودان ەرٸگە شاماسى جەتپەدٸ.
جالپى ەسەپ – 6:5.
وسىلايشا قاتارىنان تٶرتٸنشٸ رەت جەڭٸسكە جەتٸپ, 21 ۇپاي جيناعان ورالدىق كلۋب ٷشٸنشٸ توپتا بۇرىنعىسىنشا ەكٸنشٸ ورىندا كەلەدٸ.
نيكولاي شاۆالديننٸڭ شەكٸرتتەرٸ كەلەسٸ كەزدەسۋلەرٸن جاڭا جىلدا, 10-11 قاڭتاردا «لوكوموتيۆ» كومانداسىمەن ٶتكٸزەدٸ.
