Foto:gazeta.ru
«Izvestiia» basylymynyń shtattan tys tilshisi, operator bolyp jumys istegen Aleksandr Martemianovtyń kóligine dronmen soqqy jasalǵan. Taǵy birneshe jýrnalist zardap shekken, dep jazady Ulysmedia.kz portaly reseilik basylymǵa silteme jasap.
TAǴY KIM JARAQAT ALDY
Izvestiianyń shtattan tys tilshisi Aleksandr Martemianov Donetsk-Gorlovka tas jolynda ólim qushqan.
BAQ-tardyń habarlaýynsha, basylymnyń tilshisi men taǵy tórt BAQ qyzmetkeri jaraqat alǵan.
Keiinirek "Izvestiia" óz tilshisiniń ólgenin rastady.
"RIA Novosti" tilshisi Maksim Romanenko men agenttik jýrnalisi Mihail Kevhiev jaraqat alǵan. Olardyń densaýlyǵy qanaǵattanarlyq jaǵdaida, dep habarlady basylymnyń ózi. Sonymen qatar, "Bloknot" basylymynyń eki jýrnalisi zardap shekti, dep jazady TASS.
JÝRNALISTERDIŃ ÓLIMI
Martemianov 2023 jyldyń qazan aiynda SOǴYS aimaǵynda bir ret jaraqat alǵan: ol Donetsktiń Býdennovsk aýdanyn atqylaý kezinde zardap shekken "Izvestiianyń" úsh jýrnalisiniń biri boldy. Sol kezde TJM-niń bir qutqarýshysy qaza taýyp, vedomstvonyń taǵy eki qyzmetkeri jaraqat alǵan.
Martemianov sol kezde operator bolǵan. Dárigerler bul joly onyń qos jambasynan jaraqat alǵanyn habarlaidy.
2024 jyldyń maýsymynda Resei prezidenti Vladimir Pýtin Ýkrainadaǵy áskeri operatsiia aimaǵynda kemi 30 reseilik jýrnalist qaitys boldy dep habarlady. Sodan beri taǵy birneshe reporter óldi.
.jpg)
