Ýkraina prezidenti Vladimir Zelenskii Resei Donbasty "tutas qiratty" dep málimdedi.
19 mamyr kúni keshkisin jariialaǵan video málimdemesinde Zelenskii Resei kúshteri ýkraindardy óltirip, genotsid jasap jatqanyn qaitalady.
"Ol jaqta tozaq — bul asyra aitqandyq emes, 19 mamyrda Donetskiniń soltústik óńirinde atqylaýdan 12 adam qaitys boldy.
...Odessa oblysyn, Ýkrainanyń ortalyq qalalaryn atqylap jatyr. Donbass tolyǵymen qirady", - dedi Ýkraina prezidenti.
Zelenskii 19 mamyrda Ulybritaniia premer-ministri Boris Djonsonmen jáne Eýropa komissiiasynyń prezidenti Ýrsýla fon der Liaienmen qarjylai kómek jáne aýyl sharýashylyǵy ónimderin eksporttaý máselesi jóninde sóileskenin jetkizdi.
Osynyń aldynda Qyzyl Krest Halyqaralyq komiteti Mariýpoldaǵy "Azovstal" metallýrgiialyq kombinatynan shyqqan júzdegen ýkrain sarbazyn áskeri tutqyn retinde tirkeýdi bastaǵanyn málimdegen.
