AQSh Prezidenti Donald Tramptyń QR Tuńǵysh Prezidenti Nursultan Nazarbaevqa joldaǵan hatynda ne jazǵany belgili boldy. Hatty Elbasynyń baspasóz hatshysy Aidos Úkibai Twitter paraqshasynda jariialady.
AQSh Prezidenti Donald Tramp Nursultan Nazarbaevtyń Qazaqstandy basqarǵan 30 jylǵa jýyq ýaqyttyń ishinde mol mura qaldyrǵanyn atap ótip, bilik tranzitin konstitýtsiialyq protsedýralarǵa sai júzege asyrý sheshimine qoldaý bildirgen.
Sonymen qatar, ol 2018 jylǵy Elbasynyń Aq úige sapary AQSh pen Qazaqstan arasyndaǵy yntymaqtastyqty tereńdetýge baǵyttalǵan qadam bolǵanyn atap ótken.
«Biz ekijaqty qarym-qatynasymyzda úlken tabystarǵa qol jetkizdik jáne amerikalyq biznestiń Qazaqstanmen ekonomikalyq yntymaqtastyq úshin barynsha mol salalardy qamti túsýi qýantady. Qazaqstan Sizdiń basshylyǵyńyzben búkil álemde tabysqa jetti. Prezident retindegi Sizben jumysym barysyndaǵy qoldaýyńyzdy joǵary baǵalaimyn jáne dál osyndai qarym-qatynasty Prezident Toqaevpen de taǵatsyzdana kútemin. Sizdiń bolashaqtaǵy barlyq bastamalaryńyzǵa tabys tileimin», - dep jazady AQSh Prezidenti.
