Halyqaralyq faktilerdi tekserý kúni qarsańynda CNN Donald Tramptyń aitqandarynyń ras-ótirigine qatysty zertteý nátijelerin jariialady.
«Prezident qyzmetine kirisken 802 kúnde AQSh prezidenti Donald Tramp 9 451 jalǵan málimet aitty. Mundai zertteýdi Washington Post redaktsiiasy júrgizdi», - dep jazady basylym.
Maqalada atap ótilgenindei, «Donald Tramptyń ótirik aitatyny eshqandai da jańalyq emes». Degenmen, basylym sońǵy alty aida Amerika basshysynyń aitatyn ótiriginiń tym kóbeiip ketkenin alǵa tartyp, osyny jańalyq deýge bolatynyn jazyp otyr.
«Sońǵy 200 kúnde Donald Tramp kúnine 22 ótirik aitqan eken. Bul prezidenttik qyzmetke kirisken alǵashqy jylǵa qaraǵanda 5,9 ese kóp bolyp tur», - delingen aqparatta.
