AQSh prezidenti Donald Tramp pen onyń jary Melania seisenbide saltanatty túrde Frantsiia prezidenti Emmanýel Makron men onyń áieli Bridjitti Vashingtonda kútti.
Kezdesý barysynda Aq úi basshysy sonda turǵan adamdarǵa frantsýz kóshbasshysynyń iyǵynda qaiyzǵaqtyń turǵanyn aityp, kúle otyryp súrtip tastady.
"Barlyǵy da bizdiń qarym-qatynasymyzdyń jaqsy ekenin aitady, ol ras. Bul jalǵan jańalyq emes. Shynymen de bul ótirik emes. Sizdiń osynda kelýińiz, biz úshin úlken qurmet. Al qazir men myna kishkentai qaiyzǵaqty súrtip tastaiyn... Biz ony minsiz etýimiz kerek. Ol kúmánsiz. Sonymen, senimen birge bolý úlken qurmet, sen erekshe dossyń. Raqmet", - dep jazady L!FE prezidenttiń sózin.
Osydan keiin Tramp dástúrli túrde óz áriptesimen qol alysty.
Sondai-aq jýrnalister taǵy bir yńǵaisyz jaǵdaidy baiqap qaldy. Fotossesiia barysynda Donald Tramp jarynyń qolynan ustaiyn degen, alaida Melania kúieýimen qol ustasýdan bas tartqan.
