AQSh prezidenti Donald Tramp ulyqtaý rásimi aiaqtalǵan soń dástúrge sáikes saltanatty túski astyń aldynda Kongress ǵimaratynda alǵashqy jarlyqtarǵa qol qoidy. Prezident qujattardy bekitýge birneshe qalam qoldanyp, olardy jaqyndaryna estelik syi retinde taratty.
Tramp úkimetiniń jańa múshelerin taǵaiyndaý týraly jarlyqtarǵa qol qoiyp, Senattyń qaraýyna jiberdi. Prezident bekitken qujattardyń ishinde Djeims Mettisti otstavkaǵa shyqqanyna az ýaqyt bolsa da, qaita qorǵanys ministri etip taǵaiyndaýǵa ruqsat etetin zań da bar.
Tramptyń alǵashqy jarlyqtarynyń biri AQSh-ta Ulttyq patriotizm kúnin engizýge arnalǵan.
20 qańtarda Vashingtonda ulyqtaý rásimi ótip, Donald Tramp AQSh-tyń 45-prezidenti retinde qyzmetine kirisken. Saltanatty sharada sóz sóilegen Tramp "eldegi eskerýsiz qalǵan" áleýmettik top ókilderine járdem berýge, jańa jumys oryndaryn ashyp, halyqaralyq terrorizmmen kúresti kúsheitýge ýáde bergen.
