Goldman Sachs investorlarǵa AQSh dollary jaqyn arada álemdik valiýta rezervterindegi ústemdiginen aiyrylýy múmkin ekenin eskertti. Bul týraly Insider basylymy maqalasynda aitylǵan, - dep habarlaidy Tengrinews.kz tilshisi InoTV-ǵa silteme jasap.
Bank sarapshylary AQSh pen onyń odaqtastary Resei Ortalyq bankin sheteldik rezervterge qoljetkizý múmkindiginen aiyrǵanyn, bul basqa elderdiń de dollardy qoldanýyn azaitý qaýpin týdyrǵanyn atap ótti.
Sarapshylar pikirinshe, dollar britan fýnty tóńiregindegi jaǵdaiǵa uqsas birqatar problemalarǵa tap boldy. Ol bir kezderi eń úlken rezerv valiýta bolǵan, biraq HH ǵasyrdyń ortasynda ony dollar yǵystyrdy. Bul Ulybritaniianyń Ekinshi dúniejúzilik soǵystan keiingi qaryzdaryna bailanysty delingen.
Búginde dál osyndai problema Amerika Qurama Shtattarynda týyndaýy múmkin, óitkeni olardyń da iri taýar importtaýshysy bolýymen bailanysty qaryzdary bar. Sonymen qatar, dollardyń ústemdigimen salystyrǵanda olardyń álemdik saýdadaǵy úlesi shamaly.
HVQ basshysynyń orynbasary Gita Gopinat buǵan deiin Reseige qarsy sanktsiialar jahandyq júieniń bólshektenip, dollarǵa ziianyn tigizýi múmkin ekenin aitqan. Sondai-aq, ol álemdik saýdada basqa valiýtalardy paidalaný Ortalyq bankterdiń sheteldik valiýtadaǵy rezervterin ártaraptandyrýǵa májbúr etetinin aitty.
Degenmen, birqatar sarapshy dollar jahandyq rezerv valiýta retinde óz mártebesin saqtaidy dep sendiredi. Sondai-aq, bul ony naqty aýystyratyn valiýta joqtyǵyna bailanysty.
Goldman Sachs sarapshylary dollardyń taǵdyry AQSh-tyń qolynda degen qorytyndyǵa kelgen. AQSh-ta tapshylyqty, ósip bara jatqan syrtqy qaryzdy jáne infliatsiiany ózgertetin saiasat bolmasa, munyń bári basqa rezerv valiýtaǵa kóshýge ákelýi múmkin, dep jazady gazet.
