Goldman Sachs ينۆەستورلارعا اقش دوللارى جاقىن ارادا ەلەمدٸك ۆاليۋتا رەزەرۆتەرٸندەگٸ ٷستەمدٸگٸنەن ايىرىلۋى مٷمكٸن ەكەنٸن ەسكەرتتٸ. بۇل تۋرالى Insider باسىلىمى ماقالاسىندا ايتىلعان, - دەپ حابارلايدى Tengrinews.kz تٸلشٸسٸ ينوتۆ-عا سٸلتەمە جاساپ.
بانك ساراپشىلارى اقش پەن ونىڭ وداقتاستارى رەسەي ورتالىق بانكٸن شەتەلدٸك رەزەرۆتەرگە قولجەتكٸزۋ مٷمكٸندٸگٸنەن ايىرعانىن, بۇل باسقا ەلدەردٸڭ دە دوللاردى قولدانۋىن ازايتۋ قاۋپٸن تۋدىرعانىن اتاپ ٶتتٸ.
ساراپشىلار پٸكٸرٸنشە, دوللار بريتان فۋنتى تٶڭٸرەگٸندەگٸ جاعدايعا ۇقساس بٸرقاتار پروبلەمالارعا تاپ بولدى. ول بٸر كەزدەرٸ ەڭ ٷلكەن رەزەرۆ ۆاليۋتا بولعان, بٸراق حح عاسىردىڭ ورتاسىندا ونى دوللار ىعىستىردى. بۇل ۇلىبريتانييانىڭ ەكٸنشٸ دٷنيەجٷزٸلٸك سوعىستان كەيٸنگٸ قارىزدارىنا بايلانىستى دەلٸنگەن.
بٷگٸندە دەل وسىنداي پروبلەما امەريكا قۇراما شتاتتارىندا تۋىنداۋى مٷمكٸن, ٶيتكەنٸ ولاردىڭ دا ٸرٸ تاۋار يمپورتتاۋشىسى بولۋىمەن بايلانىستى قارىزدارى بار. سونىمەن قاتار, دوللاردىڭ ٷستەمدٸگٸمەن سالىستىرعاندا ولاردىڭ ەلەمدٸك ساۋداداعى ٷلەسٸ شامالى.
حۆق باسشىسىنىڭ ورىنباسارى گيتا گوپينات بۇعان دەيٸن رەسەيگە قارسى سانكتسييالار جاھاندىق جٷيەنٸڭ بٶلشەكتەنٸپ, دوللارعا زييانىن تيگٸزۋٸ مٷمكٸن ەكەنٸن ايتقان. سونداي-اق, ول ەلەمدٸك ساۋدادا باسقا ۆاليۋتالاردى پايدالانۋ ورتالىق بانكتەردٸڭ شەتەلدٸك ۆاليۋتاداعى رەزەرۆتەرٸن ەرتاراپتاندىرۋعا مەجبٷر ەتەتٸنٸن ايتتى.
دەگەنمەن, بٸرقاتار ساراپشى دوللار جاھاندىق رەزەرۆ ۆاليۋتا رەتٸندە ٶز مەرتەبەسٸن ساقتايدى دەپ سەندٸرەدٸ. سونداي-اق, بۇل ونى ناقتى اۋىستىراتىن ۆاليۋتا جوقتىعىنا بايلانىستى.
Goldman Sachs ساراپشىلارى دوللاردىڭ تاعدىرى اقش-تىڭ قولىندا دەگەن قورىتىندىعا كەلگەن. اقش-تا تاپشىلىقتى, ٶسٸپ بارا جاتقان سىرتقى قارىزدى جەنە ينفلياتسييانى ٶزگەرتەتٸن ساياسات بولماسا, مۇنىڭ بەرٸ باسقا رەزەرۆ ۆاليۋتاعا كٶشۋگە ەكەلۋٸ مٷمكٸن, دەپ جازادى گازەت.
