Elimizde karantin rejiminiń uzartylýyna bailanysty doktorantýraǵa túsý úshin qujattardy qabyldaý merzimi 10 tamyzǵa deiin uzartyldy. Bul týraly "Ult aqparat" Bilim jáne ǵylym ministrligine silteme jasap habarlaidy.
Karantin rejiminiń uzartylýyna bailanysty doktorantýraǵa qujattardy qabyldaý 10 tamyzǵa deiin júzege asyrylady. Doktorantýraǵa túsý emtihandaryn 17-22 tamyz aralyǵynda joǵary oqý oryndary ózderi ótkizedi. Doktorantýraǵa qabyldaý 28 tamyzda aiaqtalady. PhD mamandaryn daiarlaýǵa arnalǵan memlekettik granttardyń sany 1 815 quraidy.
Emtihandardy ótkizý kezinde meditsinalyq qyzmetkerlerdiń jumysy uiymdastyrylady, oqýǵa túsýshilerdi aýditoriialarda otyrǵyzý barysynda áleýmettik qashyqtyq qamtamasyz etiledi, sondai-aq qatań maska rejimi saqtalady.
Aita ketsek, COVID-19 pandemiiasy jaǵdaiynda aǵylshyn tilin bilý IELTS halyqaralyq testin dástúrli formatta tapsyrý múmkin bolmaýyna bailanysty QR Bilim jáne ǵylym ministrliginde joo túlekterine magistratýra men doktorantýraǵa túsý úshin Duolingo English Test jáne IELTS INDICATOR tapsyrýǵa ruqsat beretin buiryqqa qol qoiyldy.
