Qazaqstanda dizel otyny baǵasy turǵylyqty jerine, tutyný kólemine jáne kólik túrine qarai saralanady. Túrli sanattarǵa qandai baǵa belgilenetinin energetika ministri Bolat Aqsholaqov aitty, - dep habarlaidy Tengrinews.kz agenttigi.
Aqsholaqovtyń aitýynsha, ministrlik qoǵamdyq talqylaý úshin "Ashyq NQA" saitynda buiryq jobasyn jariialaidy.
"Jasyrmaimyn, azamattarymyzda júrgizýshi kýáligi bolǵan jaǵdaida qoldanystaǵy baǵamen kúnine 100 litr dizel otynyn quiý quqyǵy bolǵanyn qalaimyz – óńirlerde litrine 230-260 teńge. Bul jetkilikti. Ol bir kúnde osy baǵamen ala alady, al odan kóp alǵysy kelse, baǵa basqasha bolady", - dedi Energetika ministrliginiń basshysy OKQ brifinginde.
Júk tasymaly úshin júrgizýshi kýáligi men avtokóliktiń Qazaqstanda tirkelgenin rastaityn tirkeý kýáligi bolsa, táýliktik limit shamamen 300 litr bolady.
"Bul, negizinen, qozǵaltqyshtyń kólemine bailanysty shamamen bir myń shaqyrym júriske teń. Biz 100 kilometrge 35 litr otyn ketetinin esepke aldyq. Júk kóliginiń júrýine 300 litr jetedi. Múmkin, kólemi boiynsha túzetýler bolýy múmkin, ol saitta kórsetiledi.
Bul topqa jatpaityn árbir adam janarmai quiý beketterinde litrine shamamen 450 teńgeden (dizel otynyn – esk.) janarmai quia alady", - dep tolyqtyrdy ol.
Eske salaiyq, buǵan deiin Energetika ministrligi dizel otyny baǵasyn turǵylyqty jerine, tutyný kólemine jáne kólik túrine qarai saralaýdy josparlap otyrǵany habarlanǵan bolatyn. Bul týraly energetika ministrliginiń basshysy Bolat Aqsholaqov málimdegen edi.
