قازاقستاندا ديزەل وتىنى باعاسى تۇرعىلىقتى جەرٸنە, تۇتىنۋ كٶلەمٸنە جەنە كٶلٸك تٷرٸنە قاراي سارالانادى. تٷرلٸ ساناتتارعا قانداي باعا بەلگٸلەنەتٸنٸن ەنەرگەتيكا مينيسترٸ بولات اقشولاقوۆ ايتتى, - دەپ حابارلايدى Tengrinews.kz اگەنتتٸگٸ.
اقشولاقوۆتىڭ ايتۋىنشا, مينيسترلٸك قوعامدىق تالقىلاۋ ٷشٸن "اشىق نقا" سايتىندا بۇيرىق جوباسىن جارييالايدى.
"جاسىرمايمىن, ازاماتتارىمىزدا جٷرگٸزۋشٸ كۋەلٸگٸ بولعان جاعدايدا قولدانىستاعى باعامەن كٷنٸنە 100 ليتر ديزەل وتىنىن قۇيۋ قۇقىعى بولعانىن قالايمىز – ٶڭٸرلەردە ليترٸنە 230-260 تەڭگە. بۇل جەتكٸلٸكتٸ. ول بٸر كٷندە وسى باعامەن الا الادى, ال ودان كٶپ العىسى كەلسە, باعا باسقاشا بولادى", - دەدٸ ەنەرگەتيكا مينيسترلٸگٸنٸڭ باسشىسى وكق بريفينگٸندە.
جٷك تاسىمالى ٷشٸن جٷرگٸزۋشٸ كۋەلٸگٸ مەن اۆتوكٶلٸكتٸڭ قازاقستاندا تٸركەلگەنٸن راستايتىن تٸركەۋ كۋەلٸگٸ بولسا, تەۋلٸكتٸك ليميت شامامەن 300 ليتر بولادى.
"بۇل, نەگٸزٸنەن, قوزعالتقىشتىڭ كٶلەمٸنە بايلانىستى شامامەن بٸر مىڭ شاقىرىم جٷرٸسكە تەڭ. بٸز 100 كيلومەترگە 35 ليتر وتىن كەتەتٸنٸن ەسەپكە الدىق. جٷك كٶلٸگٸنٸڭ جٷرۋٸنە 300 ليتر جەتەدٸ. مٷمكٸن, كٶلەمٸ بويىنشا تٷزەتۋلەر بولۋى مٷمكٸن, ول سايتتا كٶرسەتٸلەدٸ.
بۇل توپقا جاتپايتىن ەربٸر ادام جانارماي قۇيۋ بەكەتتەرٸندە ليترٸنە شامامەن 450 تەڭگەدەن (ديزەل وتىنىن – ەسك.) جانارماي قۇيا الادى", - دەپ تولىقتىردى ول.
ەسكە سالايىق, بۇعان دەيٸن ەنەرگەتيكا مينيسترلٸگٸ ديزەل وتىنى باعاسىن تۇرعىلىقتى جەرٸنە, تۇتىنۋ كٶلەمٸنە جەنە كٶلٸك تٷرٸنە قاراي سارالاۋدى جوسپارلاپ وتىرعانى حابارلانعان بولاتىن. بۇل تۋرالى ەنەرگەتيكا مينيسترلٸگٸنٸڭ باسشىسى بولات اقشولاقوۆ مەلٸمدەگەن ەدٸ.
