Elimizde dizel otynynyń tapshylyǵy máselesi óz sheshimin taýyp, naryqta jaǵdai turaqtaldy. Bul týraly QR Energetika ministri Maǵzum Myrzaǵaliev málim etti, dep habarlaidy QazAqparat.
«Biyl munai ónimderiniń negizgi túrleri boiynsha 4,7 mln tonna benzin, 4,8 mln tonna dizel otyny, 2,4 mln tonna mazýt, bitým 933 myń tonna jáne 600 myń tonna aviakerosin óndirildi. Ózderińiz biletindei, biyl tamyzdan qazanǵa deiin janar-jaǵarmai naryǵynda dizel otynynyń tapshylyǵy baiqaldy. Ishki naryqty dizel otynymen qamtamasyz etý úshin mynadai sharalar qabyldandy. Birinshiden, avtomobil kóligimen munai ónimderin áketýge tyiym salyndy, ekinshiden, Atyraý munai óndeý zaýytynyń josparly jóndeý jumysy 2022 jylǵa aýystyryldy», - dedi M. Myrzaǵaliev Úkimet otyrysynda jasaǵan baiandamasynda.
Onyń aitýynsha, biyl elimizde munai ónimderin óndirý 13,1 mln tonnaǵa jetti.
«Sondai-aq, dizel tapshylyǵymen kúresý maqsatynda Pavlodar munai óndeý zaýytynyń jóndeý jumysy biylǵy jyldyń qyrkúiek aiynan qarashaǵa shegerildi. Odan bólek, Resei Federatsiiasynyń munai óndeý zaýyttarynan 281 myń tonna dizel otyny importtaldy. Osy atalǵan jedel sharalar arqasynda eldegi dizel otyny naryǵynda jaǵdai turaqtaldy», - deidi ol.
