Mektep direktorlary 3 jyl saiyn attaestatsiiadan ótip turýǵa mindettelip otyr. Bul synnan jaqsy nátije kórsetken basshylar ai saiyn ailyǵynyń 100 paiyzy kóleminde ústeme aqy alýy múmkin. QR Bilim jáne ǵylym ministri Ashat Aimaǵambetov Facebook-tegi paraqshasynda osy ózgeristerdiń ómirge qalai engizilip jatqanyn túsindirdi, dep habarlaidy QazAqparat.
Ministr 2021 jyly iske asqan bastamalardy sanamalai kelip, mektepke deiingi tárbie men oqytýdy damytýdyń jańa modeli ázirlengenin aitady. Budan bylai balabaqshalarda dástúrli 20 minýttyq sabaqtyń ornyna oiyn jáne kommýnikatsiia ádistemesi engiziledi.
Sondai-aq ol 2021 jyly UBT elektrondy formatqa kóshirilgenin, doktorantýraǵa túsý úshin emtihan alǵash ret ortalyqtandyrylyp, elektrondy formatta ótkizilgenin, magistratýraǵa jáne doktorantýraǵa túsý múmkindigi talapkerlerge jylyna eki ret berile bastaǵanyn atady.
«Dissertatsiialyq keńes qyzmetteriniń Erejeleri tolyǵymen ózgerdi. Olardyń jumystarynyń sapasyn jaqsartý mańyzdy. Bizdiń Komitetke 40-qa jýyq keńestiń jumysyn toqtatýǵa týra keldi. Sonymen qatar osy Erejeler qabyldanǵannan keiin qorǵalatyn barlyq dissertatsiialar qoljetimdi boldy. Al qorǵaý protsedýrasy endi mindetti túrde onlain-transliatsiia arqyly júzege asyrylady. Bul Erejelerde basqa da mańyzdy normalar qarastyrylǵan», - dep jazdy Ashat Aimaǵambetov.
