Foto: Rýslan Ziganshin
Almatyda Disney men Pixar stýdiialarynyń «Elio» filminiń qazaq tilindegi tusaýkeser kórsetilimi ótti. Kórsetilimge elimizge tanymal tulǵalar, qoǵam qairatkerleri, kásipkerler men depýtattar, dýbliaj akterlary men blogerler, BAQ ókilderi qatysty, – dep habarlaidy Ult.kz.
Filmderdi túrli elderge beiimdep, dýbliajdaý – Disney kompaniiasynda burynnan qalyptasqan úrdis. Disney jyl saiyn ár filmniń túrli tilderdegi 40-ǵa jýyq nusqasyn daiyndaidy.
«Bul biregei týyndy, eshqandai filmniń jalǵasy emes, qaita túsirilmegen. Aq paraqqa jańadan jazylǵan jańa hikaia. Basty keiipker Elio jer ǵalamsharynda ózin jalǵyz sezinedi. Keiipker óte jas bala. Keiipkerge mundai drammatýrgiialyq aýyr jaǵdailardan ótý ońai nárse emes. biraq Elio esh moiymai, buryn sońdy eshkim baiqamaǵan jigerlikti, batyldyqty taýyp, dos taba bilip jáne eń bastysy jerdiń ózi úshin qanshalyqty mańyzdy ekenin túsinedi. Buǵan deiin mensinbegen nemese qashqysy kelgen jerge qaita asyǵady. Eń bastysy ol jerde óziniń otbasy bar ekenin túsinedi. Bul otbasyny zertteitin, ásirese balalardyń tabiǵatyn zertteitin adamdardyń tilimen aitqanda neshe túrli terminder tabylady. Degenmen osy filmniń ózinde Elio bizge úirenshikti tásildersiz-aq problemalarmen kúrese biledi, oilamaǵan jerden dos tabady. Al dosy onyń ómirin túbegeili ózgertedi», – deidi Disney men Pixar-dyń «Elio» filminiń dýbliaj rejisseri Shah-Murat Ordabaev.
Foto: Rýslan Ziganshin
Film kórermendi erekshe tylsym álemge jeteleidi. Basty keiipker – qiialy ushqyr Elio. Ol kezdeisoq Jerdiń ókili retinde búkil ǵalamnyń tirshilik ieleri jinalǵan planetaaralyq uiymǵa tap bolady. Endi ol – adamzat atynan sóileitin jalǵyz ókil. Búkil galaktikaǵa qaýip tóndirgen daǵdarysty qalai retteidi? Bul tek shytyrman oqiǵa emes, ár balaǵa ózin taný men damý jolyn kórsetetin nusqaýlyq deýge de bolady. Basty keiipkerdi Nurnazar Sarjan dybystaǵan.
«Men negizi basynda barǵan kezde ne degen úlken joba oilaǵanmyn. Elio ózge ǵalamsharlyqtardyń bar ekenin bildi ǵoi, meniń de emotsiiam sondai boldy. Basty keiipkerdi dybystap jatqanyma óte qatty qýandym. Negizi Elio ekeýimiz qatty uqsaspyz dei almaimyn, biraq uqsas jerlerimiz bar. Elio qiylshyl, men de anda-sanda qiialdanamyn. Óte armanshyl, ázilqoi, kóńildimin. Al uqsamaityn jerimiz, Elio kóńil kúiin qatty túsirip, oiǵa batady. Maǵan ondai unamaidy. Adamdarmen sóileskenin, dialogty dybystaý ońai. Al qiyny emotsiiany», – «Elio» filiminde basty keiipkerdi dybystaǵan Nurnazar Sarjan.
Sonymen qatar, atalǵan jobaǵa belgili akter, júrgizýshi, ánshiler de tartylǵan. Olardyń qatarynda Marat Oralǵazin men Nurmuhamed Jaqyp ta bar.
Foto: Rýslan Ziganshin
Marat Oralǵazin, «Elio» filiminde Heliks elshini dybystaǵan:
Jalpy bul men úshin eń alǵashqy tájiribe. Men alǵashqy ret animatsiialyq tolyq metrajdy filmdi dybystadym. Sondyqtan bul men úshin jańa álem boldy. Negizi meniń personajymnyń kózqarasy, sóileý máneri ózgeshe. Menen múlde bólek adam dep sanaimyn. Bólek personaj dep sanaimyn. Men úshin qiyndyq týrdyrǵan nárse – daýys. Maǵan daýsyńdy múldem basqasha ózgertýiń kerek dedi. Filmdi kórgende meniń daýsymdy tanymai da qalýlaryńyz múmkin.
Nurmuhamed Jaqyp, «Elio» filiminde Kalebti dybystaǵan:
Meni kastinge shaqyrdy. Meniń daýsymdy baǵalap, osy jobaǵa óttim. Meniń keiipkerimniń esimi – Kaleb, ol syrt kózge buzyq bala bolyp kórinýi múmkin. Biraq onyń minezi jaqsy. Meniń keiipkerimdi dybystaý maǵan qyzyq tájiribe boldy. Sebebi ol keiipker maǵan uqsamaidy, men ómirde basqasha adammyn. Men akter emes, ánshi bolǵandyqtan keiipkerdiń obrazyna kirý sál qiyn boldy. Biraq osy jobanyń rejisseri maǵan baǵyt-baǵdar berip, kómektesti. Sonyń arqasynda jaqsy dúnie shyqty. Elio men meniń keiipkerimniń arasynda tóbeles bolyp, aiǵailaý kerek boldy. Soqqy dybystaryn dybystaý kerek boldy. Maǵan osy tusy qyzyq boldy.
Foto: Rýslan Ziganshin
Osy bastama aiasynda Disney stýdiiasy 2024 jyly «Oijumbaq 2», «Moana 2», «Mýfasa. Arystan patsha», biyl «Aqshaqar», «Lilo men Stich» dep atalatyn filmderin qazaq tiline aýdaryp, dýbliaj jumystaryn qarjylandyrdy. Qazaq tiliniń iri halyqaralyq stýdiialar óz qarajatymen qoldaityn tilderdiń qataryna qosylýy – tilimizdiń damýy úshin óte mańyzdy oqiǵa. Endi kórermenge 19 maýsymnan bastap «Elio» týyndysy usynyldy.
Aqbota Musabekqyzy
