Foto: gov.kz
Jetisý oblysynda mektep direktory muǵalimderden jinaǵan aqshany qumar oiyndarǵa bás tigý faktisi boiynsha ýaqytsha qyzmetinen shekteldi, dep habarlaidy Ult.kz.
Vedomstvolardyń málimetinshe, 2025 jylǵy 30 jeltoqsanda 9 pedagog direktordyń áreketterine bailanysty aryz tapsyrǵan. Aryz 2026 jylǵy 5 qańtarda Kóksý aýdany politsiiasyna joldanǵan. Qazirgi ýaqytta zańnama talaptaryna sáikes tergeý amaldary júrgizilýde.
Kóksý aýdany bilim bóliminiń buiryǵymen mektep direktorynyń qyzmettik mindetterin ýaqytsha atqarýy shekteldi. Alynǵan derekterge qaraǵanda, direktor áriptesterinen qaryzǵa alǵan aqshany býkmekerlik keńselerde utys oiyndaryna salǵan. Bastapqy esep boiynsha materialdyq shyǵyn kólemi shamamen 9 million teńgeni quraidy, biraq naqty jábirlenýshiler sany odan kóp bolýy múmkin.
