Májilis Tóraǵasy Nurlan Nyǵmatýlin TMD Parlamentaralyq Assambleiasy Keńesi Bas Hatshysynyń orynbasary, Qazaqstan Respýblikasy Parlamentiniń ókiletti ókili Ashat Jarylqasynuly Nusqabaidyń mezgilsiz qaitys bolýyna bailanysty jaqyndary men týǵan-týystaryna orny tolmas aýyr qaiǵyǵa ortaqtasyp kóńil aitty.
«Óz atymnan jáne Májilis depýtattarynyń atynan TMD Parlamentaralyq Assambleiasy Keńesi Bas Hatshysynyń orynbasary - Qazaqstan Respýblikasy Parlamentiniń ókiletti ókili Ashat Jarylqasynuly Nusqabaidyń mezgilsiz qaitys bolýyna bailanysty qaiǵyryp kóńil aitamyz. Diplomatiialyq qyzmette mol tájiribesi bar Ashat Jarylqasynuly Qazaqstan men Qyrǵyzstannyń, Qazaqstan men Reseidiń memleketaralyq qatynastaryn nyǵaitýǵa zor úles qosty. Qazaqstan Respýblikasy Parlamentiniń ókiletti ókili - TMD PAA Keńesi Bas hatshysynyń orynbasary laýazymynda TMD elderi arasyndaǵy parlamentaralyq yntymaqtastyqtyń damýyna yqpal etti. Elimizdiń patriot azamaty Ashat Jarylqasynuly týraly jarqyn estelikter jaqyndarynyń júreginde máńgi saqtalady», – dedi Nurlan Nyǵmatýlin.
Ashat Jarylqasynuly Nusqabai Qazaqstan Respýblikasynyń Syrtqy ister ministrligi salasynda 1997 jyldan beri jumys istep keldi.
2017 jylǵy qazanda TMD Parlamentaralyq Assambleiasy Keńesi Bas Hatshysynyń Orynbasary - Qazaqstan Respýblikasy Parlamentiniń ókiletti ókili bolyp taǵaiyndaldy.
