Foto: Polisia.kz
Semeide diplom jasap beremin dep kólemdi qarajatty qaltasyna basqan alaiaq qolǵa tústi, – dep habarlaidy "Ult aqparat" Polisia.kz portalyna silteme jasap.
19 shildede Semei qalasy Politsiia basqarmasy “102” jedel arnasyna 43 jastaǵy jergilikti turǵyn habarlasyp, 2023 jyldyń qańtar aiynyń sońynda beitanys adam senimine kirip, alaiaqtyq jolmen 600 myń teńge somasyndaǵy qarajatyn iemdengenin aitqan. Kúdiktiniń bergen ýádesi oryndalmaitynyna kózi jetken jábirlenýshi politsiiaǵa júgingen.
Jábirlenýshiniń aitýynsha, alaiaq diplom alýǵa kómektesemin dep ýáde berip, qolyna aqsha túsken soń “izin sýytqan”.
"Jedel-izdestirý is-sharalaryn júrgizý nátijesinde tártip saqshylary kúdiktiniń jeke basyn anyqtady. Kúdikke ilingen 55 jastaǵy er adam jumyssyz ekeni belgili boldy. Jaýap alý barysynda ol kinásin moiyndap, qarajatty óz qajettilikterine jumsaǵanyn aitqan", – dedi oblys PD bastyǵynyń orynbasary Nariman Kúldikov.
Alaiaqtyq derekke qatysty QR QK- niń 190-baby 1-bóligi (Alaiaqtyq) boiynsha sotqa deiingi tergeý júrgizilip jatyr.
