فوتو: Polisia.kz
سەمەيدە ديپلوم جاساپ بەرەمٸن دەپ كٶلەمدٸ قاراجاتتى قالتاسىنا باسقان الاياق قولعا تٷستٸ, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
19 شٸلدەدە سەمەي قالاسى پوليتسييا باسقارماسى “102” جەدەل ارناسىنا 43 جاستاعى جەرگٸلٸكتٸ تۇرعىن حابارلاسىپ, 2023 جىلدىڭ قاڭتار ايىنىڭ سوڭىندا بەيتانىس ادام سەنٸمٸنە كٸرٸپ, الاياقتىق جولمەن 600 مىڭ تەڭگە سوماسىنداعى قاراجاتىن يەمدەنگەنٸن ايتقان. كٷدٸكتٸنٸڭ بەرگەن ۋەدەسٸ ورىندالمايتىنىنا كٶزٸ جەتكەن جەبٸرلەنۋشٸ پوليتسيياعا جٷگٸنگەن.
جەبٸرلەنۋشٸنٸڭ ايتۋىنشا, الاياق ديپلوم الۋعا كٶمەكتەسەمٸن دەپ ۋەدە بەرٸپ, قولىنا اقشا تٷسكەن سوڭ “ٸزٸن سۋىتقان”.
"جەدەل-ٸزدەستٸرۋ ٸس-شارالارىن جٷرگٸزۋ نەتيجەسٸندە تەرتٸپ ساقشىلارى كٷدٸكتٸنٸڭ جەكە باسىن انىقتادى. كٷدٸككە ٸلٸنگەن 55 جاستاعى ەر ادام جۇمىسسىز ەكەنٸ بەلگٸلٸ بولدى. جاۋاپ الۋ بارىسىندا ول كٸنەسٸن مويىنداپ, قاراجاتتى ٶز قاجەتتٸلٸكتەرٸنە جۇمساعانىن ايتقان", – دەدٸ وبلىس پد باستىعىنىڭ ورىنباسارى ناريمان كٷلدٸكوۆ.
الاياقتىق دەرەككە قاتىستى قر قك- نٸڭ 190-بابى 1-بٶلٸگٸ (الاياقتىق) بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
