Diplom basyp bere beretin joǵary oqý oryndaryn jabý qajet. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Bilim sapasyn arttyrý úshin men joǵary oqý oryndaryna qoiylatyn talapty qatańdatýdy tapsyrǵan edim. Jalǵan diplomdar beretin keńselerge bizdiń júiemizde múldem oryn bolmaýy tiis. Bul jumystardy tabandy túrde ári barynsha qysqa ýaqytta aiaqtaý kerek. Biz bul jaiynda Bilim ministrmen sóilesken edik. Qandai qiyndyq bolsa da, JOO-dep atalatyn olardy kim qorǵasa da bul jumysty aiaqtaý kerek. Diplom basym shyǵaratyn bul mekemelerdi tabandy túrde jabý qajet», - dedi Memleket basshysy.
QR Prezidenti munan bólek, kezeń-kezeńimen joǵary oqý oryndarynyń profilizatsiialanýyn, mamandanýyn, sonymen birge bilim sapasyn qamtamasyz etý qajettigin basa aitty.
«Bilim sapasynyń mańyzdy aspektisi akademiialyq adaldyq mádenietiniń jan-jaqty damýyn engizý bolýy tiis. Ministrlik akademiialyq adaldyq ligasynyń múshesi sanalatyn joǵary oqý oryndaryn qoldaýǵa jáne damytýǵa mindetti», - dep atap ótti Qasym-Jomart Toqaev.
