ديپلوم باسىپ بەرە بەرەتٸن جوعارى وقۋ ورىندارىن جابۋ قاجەت. بۇل تۋرالى ۇلتتىق قوعامدىق سەنٸم كەڭەسٸنٸڭ 3-وتىرىسىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«بٸلٸم ساپاسىن ارتتىرۋ ٷشٸن مەن جوعارى وقۋ ورىندارىنا قويىلاتىن تالاپتى قاتاڭداتۋدى تاپسىرعان ەدٸم. جالعان ديپلومدار بەرەتٸن كەڭسەلەرگە بٸزدٸڭ جٷيەمٸزدە مٷلدەم ورىن بولماۋى تيٸس. بۇل جۇمىستاردى تاباندى تٷردە ەرٸ بارىنشا قىسقا ۋاقىتتا اياقتاۋ كەرەك. بٸز بۇل جايىندا بٸلٸم مينيسترمەن سٶيلەسكەن ەدٸك. قانداي قيىندىق بولسا دا, جوو-دەپ اتالاتىن ولاردى كٸم قورعاسا دا بۇل جۇمىستى اياقتاۋ كەرەك. ديپلوم باسىم شىعاراتىن بۇل مەكەمەلەردٸ تاباندى تٷردە جابۋ قاجەت», - دەدٸ مەملەكەت باسشىسى.
قر پرەزيدەنتٸ مۇنان بٶلەك, كەزەڭ-كەزەڭٸمەن جوعارى وقۋ ورىندارىنىڭ پروفيليزاتسييالانۋىن, ماماندانۋىن, سونىمەن بٸرگە بٸلٸم ساپاسىن قامتاماسىز ەتۋ قاجەتتٸگٸن باسا ايتتى.
«بٸلٸم ساپاسىنىڭ ماڭىزدى اسپەكتٸسٸ اكادەمييالىق ادالدىق مەدەنيەتٸنٸڭ جان-جاقتى دامۋىن ەنگٸزۋ بولۋى تيٸس. مينيسترلٸك اكادەمييالىق ادالدىق ليگاسىنىڭ مٷشەسٸ سانالاتىن جوعارى وقۋ ورىندارىن قولداۋعا جەنە دامىتۋعا مٸندەتتٸ», - دەپ اتاپ ٶتتٸ قاسىم-جومارت توقاەۆ.
