Dini birlestikterge merekelik dini rásimderdi onlain rejimde ótkizýdi usynamyz. Bul týraly QR Aqparat jáne qoǵamdyq damý ministri Dáýren Abaev málim etti, dep habarlaidy "Ult aqparat".
«Sáýir aiynda bizder úshin mańyzdy birqatar dini meiram kele jatyr. Olar: Oraza, pravoslavtyq jáne katoliktik Pasha, iahýdilik Pesah jáne taǵy da basqalar. Sózsiz, olardyń barlyǵy kóptegen azamattar úshin úlken mańyzy bar. Biz din ustanýshy azamattarymyzdyń dini senimine zor qurmetpen qaraimyz. Alaida koronavirýs indeti barlyq adamnyń densaýlyǵyna, ómirine qaýip tóndirýde. Sol úshin kóptegen elder epidemiiaǵa qarsy buryn-sońdy bolmaǵan shekteýler engizýde. Virýs taralmaýy úshin adamdar jinalatyn barlyq sharalarǵa, onyń ishinde dini sharalarǵa da ýaqytsha tyiym salynady. Sebebi bul dini sharalar kezinde adamdar ǵibadat oryndaryna baryp, týystarymen, jaqyndarymen jinalady. Birge mazar basyna barady, odan da basqa ártúrli mádeni-kópshilik sharalar bolady», - dedi ministr «Habar 24» telearnasynyń tikelei efirinen.
Bul turǵyda vedomstvo basshysy el turǵyndaryna túsinistikpen qaraýǵa shaqyrdy
«Sol úshin qazirgidei kúrdeli ýaqytta eń basty másele – adamnyń densaýlyǵy men amandyǵy. Eshqandai din adam ómiri men densaýlyǵyna qaýip tóndirgendi maquldamaidy. Osy rette barlyq dini jáne etno-mádeni uiymdardyń basshylary men azamattardy túsinistik tanytýǵa shaqyramyz. Dini meiram kezinde karantin rejimin saqtaýdy suraimyz. Dini birlestikterge merekelik dini rásimderdi onlain rejimde ótkizýge usynamyz», - dedi Dáýren Abaev.
