Búgin, 22 qarashada Radisson qonaq úiinde «Dini qyzmet salasyndaǵy zańnama men quqyq qoldaný praktikasyn jetildirý» taqyrybynda dóńgelek ústel ótti.
Is-sharany Astanadaǵy Eýropadaǵy qaýipsizdik jáne yntymaqtastyq uiymynyń Baǵdarlamalar ofisi, Qazaqstan Respýblikasy Din isteri jáne azamattyq qoǵam ministrligi, Qazaqstannyń dini birlestikter qaýymdastyǵyjáne Adam quqyqtary jónindegi BUU Joǵarǵy komissarynyń basqarmasy uiymdastyrdy.
Dóńgelek ústel jumysyna QR Din isteri jáne azamattyq qoǵam vitse-ministri Berik Aryn, BUU Ortalyq Aziia boiynsha Adam quqyqtary jónindegi Joǵarǵy komissary basqarmasynyń ulttyq baiandamalar úilestirýshisi Leila Dúisekova, EQYU Baǵdarlamalar ofisiniń basshysy, elshi Derd Sabo, Din isteri jáne azamattyq qoǵam ministrliginiń Din isteri komiteti tóraǵasynyń orynbasary Erkin Ońǵarbaev, «Qazaqstannyń dini birlestikter qaýymdastyǵy» ZTB tóraǵasy Aleksandr Kliýshev, AQSh, Ulybritaniia, Niderlandy, Vatikan elshilikteriniń ókilderi, ǵylymi-saraptamalyq qoǵamdastyq, sondai-aq Qazaqstannyń memlekettik organdarynyń ókilderi qatysty.
QR Din isteri jáne azamattyq qoǵam vitse-ministri Berik Aryn quttyqtaý sóz sóiledi.
Vitse-ministr óz sózinde búgingi tańda Qazaqstanda azamattarynyńar-ojdan bostandyǵy men dini birlestikterdiń jumysyna qolaily jaǵdai jasaý quqyǵyn qamtamasyz etýge úlken mán beriletindigin, memleket dini saladaǵy turaqtylyqty saqtaýǵa, konfessiiaaralyq kelisim men qoǵamdaǵy toleranttylyqty nyǵaitýǵa, sondai-aq, halyqtyń dini ekstremizm ideologiiasynyń barlyq nysandary men kórinisterine qarsy immýnitetin únemi qalyptastyrý boiynsha sharalar qabyldaitynyn jáne memleket 18 konfessiiany qamtityn resmi tirkelgen dini birlestikter men olardyń filialdaryna qyzmet etýge qajetti jaǵdailardy qamtamasyz etetindigin atap ótti.
B.Aryn is-sharaǵa qatysýshylardy «Qazaqstan Respýblikasynyń keibir zańnamalyq aktilerine dini qyzmet jáne dini birlestikter máseleleri boiynsha ózgerister men tolyqtyrýlar engizý týraly» QR Zań jobasyna Ministrlik tarapynan júrgizilip jatqan jumystarmen tanystyrdy. Ol sondai-aq, dini qyzmet jáne dini birlestikter týraly zańnama bir jaǵynan azamattardyń quqyqtaryn qorǵaýǵa, ekinshi jaǵynan ekstremistik jáne basqa da destrýktivti maqsattarda dindi paidalaný múmkindigin azaitýǵa baǵyttalǵan quqyqtyq normalardy belgileitindigin aitty.
Óz kezeginde, Din isteri komiteti tóraǵasynyń orynbasary E.Ońǵarbaev, dóńgelek ústelge qatysýshylardyń aldynda sóilegen sózinde, zań jobasyna daiyndyq barysynda dini birlestikterden, úkimettik emes uiymdardan jáne sarapshylardan usynystar kelip túskenin aitty. Qazirgi tańda kelip túsken usynystar pysyqtaldy, keibireýleri zań jobasyna engizildi».
Sonymen qatar, Erkin Ońǵarbaev,budan basqa, zań jobasynyń negizgi erejeleri men ony ázirleýde eskerilgen ózgerister týraly aityp berdi.
Jalpy, dóńgelek ústeldiń qatysýshylary «Qazaqstan Respýblikasynyń keibir zańnamalyq aktilerine dini qyzmet jáne dini birlestikter máseleleri boiynsha ózgerister men tolyqtyrýlar engizý týraly» QR Zań jobasyna qatysty birqatar máselelerli talqylap, zań jobasyn qabyldaý memlekettik-konfessiialyq qarym-qatynastardy jaqsartýǵa múmkindik beretindigin jáne eldegi dini ekstremizm ideiasynyń taralýyna qarsy turýǵa kómektesetindigin atap ótti.
.jpeg)