Shymkenttegi Qarataý aýdandyq soty "ózge dinge kirgeni úshin áielin pyshaqtaǵanyn" málimdegen Hairolla Narmetovty eki aiǵa qamaýǵa alý týraly qaýly shyǵardy. Bul týraly aýdandyq sottyń sýdiasy Baǵlan Ámiráliev aitty, dep habarlaidy Azattyq.
"Ońtústik Qazaqstan oblysy Sairam aýdanynyń 1983 jyly týǵan turǵyny Hairolla Narmetovti 12 qarasha kúni bolǵan oqiǵaǵa bailanysty Qarataý aýdandyq politsiia bólimi arnaiy kúzetpen Qarataý aýdandyq sotyna sanktsiia shyǵarýǵa alyp keldi. Ol sot barysynda kinásin tolyǵymen moiyndap, ony ashýmen jasaǵanyn aityp, istegen isine ókinetinin bildirdi" deidi Baǵlan Ámiráliev.
Onyń aitýynsha, sot kúdiktini Qylmystyq kodekstiń 106-babynyń 1-bóligimen ("qasaqana aýyr dene jaraqatyn salý") kúdikti dep tanyp, eki ai merzimge qamaýǵa alýǵa qaýly etti.
Oblystyq densaýlyq saqtaý basqarmasynyń baspasóz hytshysy Asylbek Dosalynyń Azattyqqa habarlaýynsha, Hairolla Narmetovtyń áieliniń qazirgi jaǵdaiy qalypty. Áiel jan saqtaý bóliminen jeke palataǵa aýystyrylǵan.
Kúdikti Hairolla Narmetov áielimen bolǵan janjaldan soń túsirgen video úndeýinde "áielin basqa dinge ótkeni úshin óltirdim" dep málimdegen. Bul video 13 qarashada áleýmettik jelige tarap ketken edi.
