Qazaqstan musylmandarynyń dini basqarmasy kópshilikke úndeý joldady. Onda dini uiym 19 mamyr - Qadir túnin úide ótkizýge shaqyrady, dep habarlaidy "Ult aqparat".
«Ózderińiz kóz jetkizip otyrǵandai, elimizde tótenshe jaǵdai merzimi aiaqtalǵanymen, juqpaly indettiń qaýpi tolyq seiilgen joq. Bul – karantin rejiminiń talaptaryna baǵynyp, saqtyq sharalaryna asa mán berýimiz qajet degen sóz. Qazaqstan musylmandary dini basqarmasy Bas sanitarlyq dárigerdiń karantindik rejimniń kezeńdik talaptaryn saqtaý boiynsha qaýlysyn negizge alyp jáne qazirgi jaǵdaidy eskere kele, jamaǵatpen oqylatyn bes ýaqyt, juma, taraýyq namazdaryna qatysty qoiǵan ýaqytsha shekteýdi óz kúshinde qaldyrdy. Koronavirýs infektsiiasynyń taralýyna jol bermeý jónindegi jedel shtabtyń qaýlysyna sáikes osyndai sheshim qabyldandy. Al jamaǵatpen oqylatyn namazdardyń merzimin aldaǵy ýaqytta qosymsha habarlaimyz» delingen úndeýde.
Biylǵy Ramazannyń qasietti Qadir keshi mamyr aiynyń 19-nan 20-na qaraǵan túnge sáikes kelip otyr. 19 mamyrda meshit tańǵy saǵat 07:00 men keshki 20:00 aralyǵynda jumys isteidi.
«Osy rette barshańyzdy Qadir keshin óz úilerińizde ótkizý qajettigin qaperlerińizge salamyz. Tártipke baǵynýdy suraimyz. Bul – siz ben bizdiń, óz otbasymyz ben eń jaqyn týystarymyzdyń densaýlyǵy men ómiriniń igiligi úshin qabyldanǵan sheshim. Osy úndeýge túsinistik tanytyp, karantin talaptaryn saqtaisyzdar degen senimdemiz. Osy rette barsha qaýymdy qasietti Qadir túninde Túrkistan oblysyndaǵy tasqyn sýdan zardap shekken jerlesterimizge duǵa jasaýǵa úndeimiz» deidi QMDB.
Qazaqstan musylmandary dini basqarmasy qasietti Qadir keshinde Quran hatym duǵasyn, ýaǵyz-nasihat pen paidaly dáristerdi onlain rejimde ótkizedi. Úide otyryp, onlain rejimde duǵaǵa qatysyp, nasihat tyńdaýǵa tolyq múmkindik bar.
