Foto: "Almaty" telearnasy
Dini alaýyzdyqty qozdyrdy degen kúdikti Reseiden elge qaitaryldy. Qazir ol tergeý izoliatorynda jatyr, dep habarlaidy Almaty.tv tilshisi.
Qazaqstanǵa ekstraditsiialanǵan azamatqa qylmysy úshin 5 jyldan 10 jylǵa deiingi merzimge bas bostandyǵynan aiyrý jazasy qarastyrylǵan.
Ol 2016-2017 jyldary Almaty qalasynda kópshiliktiń dini sezimin qorlaýǵa baǵyttalǵan áreketter jasapty. Keiinnen Máskeýde ustalyp, sottalǵan.
"Bul qylmystyń ózge de qatysýshylary ártúrli jaýaptylyqqa tartyldy, al kúdikti qylmys jasaǵannan keiin boi tasalap, halyqaralyq izdeýge jariialandy. Osydan keiin, 2017 jyly kúdikti Máskeýde qaraqshylyq jasap, sottalǵan. Reseide jazasyn ótegennen keiin atalǵan adam qylmystyq jaýapkershilikke tartý úshin Qazaqstanǵa qaitaryldy. Qazirgi ýaqytta kúdikti tergeý izoliatoryna qamaldy", - dedi QR Bas prokýratýrasynyń ókili Ásel Berqalieva.
