Astanada aldaǵy ýaqytta «Dinaralyq jáne órkeniet aralyq dialogty damytýǵa arnalǵan N. Nazarbaev ortalyǵy» qurylady. Bul týraly 19-20 qarasha kúnderi BUU Órkenietter Aliansynyń Ǵalamdyq 8-forýmyna qatysqan Qazaqstan Respýblikasynyń Qoǵamdyq damý ministriginiń Vitse ministri Berik Aryn málimdedi. Atalmysh shara alǵash ret BUU Niý-Iorktegi shtab-páterinde ótkizilip otyr.
Eki kúndik forýmnyń basty taqyryby «Birige otyryp Álemdi qoldaý jáne daý janjaldardy toqtatýǵa» arnalǵan.
Forýmnyń ashylý saltanatynda BUU-nyń Bas hatshysy Antoniý Gýterrish, Birikken Ulttar Uiymy Órkenietter aliansynyń Joǵary ókili Nasir Abdýláziz ál-Naser, BUU Bas Assambleiasy 73-shi sessiiasynyń Turaǵasy Mariia Espinos, Túrkiianyń Syrtqy Ister ministri Mevlýt Chavýshoglý jáne taǵy basqa elderdiń aitýly tulǵalary qatysty.
Óz sózinde BUU-nyń Bas hatshysy Antoniý Gýterrish BUU Órkenietter Aliansynyń beibit, ádil, turaqty qoǵam qurýdaǵy róliniń erekshe ekenin aita otyryp, BUU Bas Hatshysy «túrli mádenietter men din ókilderiniń kelisimge kelip, ózara úilesimde, bir birinen kemsitýshilikti sezinbei ómir súrýi úshin jaǵdai jasaýymyz kerek» dep atap ótti.
Al elimizdiń Qoǵamdyq damý ministriginiń Vitse ministri Berik Aryn órkenietter túsinisýinde, dinaralyq tatýlyqty saqtaýda Alianstyń alar orny erekshe ekenin aita otyryp ultaralyq, mádenietaralyq, dinaralyq dialogty damytý, álemdik qaýipsizdikti saqtaýǵa orai túrli baǵdarlamalar men jobalardy iske asyrý, jastar máselesi sekildi elimizdiń bastamalary BUU Órkenietter aliansynyń jumysymen úndesip otyrǵanyna toqtaldy. Aldaǵy ýaqytta da birlesken jumystar nátijesinde azamattyq qoǵam qurý, jastar, áielder máselesinde, terrorizm men ekstremizimmen kúres baǵytynda jumystar atqaryla beretinin jetkizdi. Sondai-aq Astanada «Dinaralyq jáne órkenietaralyq dialogty damytýǵa arnalǵan N. Nazarbaev ortalyǵy» qurylatynyn jáne 2019 jyldyń Qazaqstanda jastar jyly bolyp belgilenip otyrǵanyn jetkizdi.
Eske sala ketsek, 2005 jylǵy 16 qarashada Qazaqstani Repýblikasy BUU Órkenietti aliansynyń Dostar tobyna qabyldanǵan bolatyn. 2008 jyldan bastap elimiz eki jylda bir ret, álemniń ártúrli elderinde ótetin BUU Órkenietter aliansynyń álemdik forýmdaryna belsene qatysyp keledi.
