Tanymal telejúrgizýshi Dinara Sátjan óziniń joldasy, kásipker Jumabek Janyqulovtyń burynǵy áieli jasaǵan beineúndeýden keiin áleýmettik jelide alǵash ret málimdeme jasady, dep habarlaidy ult.kz.
Bul shýly oqiǵa kásipker Jumabek Janyqulovtyń burynǵy jary Janna Janyqulovanyń málimdemesinen keiin órbidi. Ol jiyrma jyl boiy otasqan kúieýiniń ózge áielge ketip qalǵanyn, óziniń bes balamen jalǵyz qalǵanyn jáne qazirgi ýaqytta ortaq múlikti bólisýge qatysty sot talqylaýlary júrip jatqanyn ashyq aitqan bolatyn. Osydan keiin jeli qoldanýshylary arasynda úlken talqylaý bastalyp, kóp uzamai biznesmenniń ózi de jaǵdaiǵa bailanysty pikir bildirip, barlyq máseleniń tek quqyqtyq óriste, zań aiasynda sheshilip jatqanyn jetkizdi. Degenmen, áleýmettik jelidegi syn-pikirler munymen basylmai, jurtshylyq kásipkerdiń qazirgi jary Dinara Sátjannan da resmi jaýap talap ete bastaǵan soń, telejúrgizýshi Instagram stories bóliminde óz kózqarasyn bildirdi. Alaida bul jaýap kópshiliktiń kúmánin tolyq seiilte qoimai, kerisinshe, virtýaldy keńistiktegi pikirtalasty odan ári órshitip, jeli qoldanýshylaryn eki lagerge bóldi jáne qazirgi ýaqytta bul taqyryp belsendi túrde talqylanýyn jalǵastyrýda.
Telejúrgizýshi Dinara Sátjan halyqty asyǵys sheshim qabyldamaýǵa shaqyryp, kelesidei jazba jariialady:
«Qorytyndy shyǵarmas buryn ekinshi tarapty da tyńdaý kerek. Onyń da óz shyndyǵy bar. Basqanyń balasyna qamqor bolyp, balalarǵa jataqhana salyp bergen adam óz balasyna qaramai qoiady dep qalai oilaisyzdar? Bilmeitin dúniege tórelik aitpańyzdar. Syni oilaýdy qosyńyzdar».
