Tanymal emshi Baǵdagúl synyqshynyń ústinen bloger Dinara Sátjan sotqa talap-aryz bergeni buǵan deiin belgili bolǵan edi. Osy iske qatysty alǵashqy sot otyrysynan keiin Baǵdagúl áleýmettik jelidegi paraqshasynda sot barysynda bolǵan jaittardy baiandady, dep habarlaidy ult.kz.
Baǵdagúldiń aitýynsha, sot protsesi bastapqyda orys tilinde júrgizilgen. Ol sýdiadan isti qazaq tilinde qaraýdy talap etkenin aitty.
«Sýdiadan "qazaqsha sóile" dep talap ettim. Sot protsesi oryssha bastaldy. Meniń talabyma sýdia "nege aiǵailaisyń, tártipti buzdyń, qazir ústińe taǵy basqa aiyptaýlar qosamyn" dedi.
Oryssha túsinbeitinimdi aitqanym úshin jazyqtymyn ba? Aiyptaýlar qossań, qosa ber dedim», – deidi ol.
Sondai-aq Baǵdagúl ózine aýdarmashy usynylǵanyn aityp, oǵan kelispegenin jetkizdi.
«Bir kezde janyma bireýi kelipti. "Sen kimsiń?" desem, "men sizge aýdarmashy bolamyn" deidi. "Maǵan emes, qazaqsha túsinbei jatqandarǵa aýdarmashy bol! Men Reseide turmyn ba?" dep ashýlandym», – degen ol emotsiiaǵa berilip, sot qyzmetkerlerine qatysty qatań sózder aitqanyn da jasyrmady.
Baǵdagúldiń sózinshe, keiin sot otyrysy qazaq tilinde jalǵasqan. Onyń aitýynsha, nátijesinde ózine aiyppul salynǵan.
Aita keteiik, bul aqparat Baǵdagúldiń jeke málimdemesine negizdelgen. Is boiynsha sottyń resmi qaýlysy nemese sot organdarynyń tolyq túsindirmesi jariialanǵan joq.
