تانىمال ەمشٸ باعداگٷل سىنىقشىنىڭ ٷستٸنەن بلوگەر دينارا سەتجان سوتقا تالاپ-ارىز بەرگەنٸ بۇعان دەيٸن بەلگٸلٸ بولعان ەدٸ. وسى ٸسكە قاتىستى العاشقى سوت وتىرىسىنان كەيٸن باعداگٷل ەلەۋمەتتٸك جەلٸدەگٸ پاراقشاسىندا سوت بارىسىندا بولعان جايتتاردى باياندادى, دەپ حابارلايدى ult.kz.
باعداگٷلدٸڭ ايتۋىنشا, سوت پروتسەسٸ باستاپقىدا ورىس تٸلٸندە جٷرگٸزٸلگەن. ول سۋديادان ٸستٸ قازاق تٸلٸندە قاراۋدى تالاپ ەتكەنٸن ايتتى.
«سۋديادان "قازاقشا سٶيلە" دەپ تالاپ ەتتٸم. سوت پروتسەسٸ ورىسشا باستالدى. مەنٸڭ تالابىما سۋديا "نەگە ايعايلايسىڭ, تەرتٸپتٸ بۇزدىڭ, قازٸر ٷستٸڭە تاعى باسقا ايىپتاۋلار قوسامىن" دەدٸ.
ورىسشا تٷسٸنبەيتٸنٸمدٸ ايتقانىم ٷشٸن جازىقتىمىن با? ايىپتاۋلار قوسساڭ, قوسا بەر دەدٸم», – دەيدٸ ول.
سونداي-اق باعداگٷل ٶزٸنە اۋدارماشى ۇسىنىلعانىن ايتىپ, وعان كەلٸسپەگەنٸن جەتكٸزدٸ.
«بٸر كەزدە جانىما بٸرەۋٸ كەلٸپتٸ. "سەن كٸمسٸڭ?" دەسەم, "مەن سٸزگە اۋدارماشى بولامىن" دەيدٸ. "ماعان ەمەس, قازاقشا تٷسٸنبەي جاتقاندارعا اۋدارماشى بول! مەن رەسەيدە تۇرمىن با?" دەپ اشۋلاندىم», – دەگەن ول ەموتسيياعا بەرٸلٸپ, سوت قىزمەتكەرلەرٸنە قاتىستى قاتاڭ سٶزدەر ايتقانىن دا جاسىرمادى.
باعداگٷلدٸڭ سٶزٸنشە, كەيٸن سوت وتىرىسى قازاق تٸلٸندە جالعاسقان. ونىڭ ايتۋىنشا, نەتيجەسٸندە ٶزٸنە ايىپپۇل سالىنعان.
ايتا كەتەيٸك, بۇل اقپارات باعداگٷلدٸڭ جەكە مەلٸمدەمەسٸنە نەگٸزدەلگەن. ٸس بويىنشا سوتتىڭ رەسمي قاۋلىسى نەمەسە سوت ورگاندارىنىڭ تولىق تٷسٸندٸرمەسٸ جارييالانعان جوق.
