Din isteri jáne azamattyq qoǵam ministrligindegiler betti tumshalaityn kiimderdi kiiýge tyiym salý týralý zań engizilgen soń musylman elderdiń azamattary Qazaqstanǵa qalai kire alatyny jaily aityp berdi, - dep habarlaidy kaz.tengrinews.kz.
Aita keteiik, din men dini qoǵamdastyqtardyń máselesine qatysty zańnama aiasynda betti tumshalaityn kiimderdi kiiýge tyiym salyný usynylyp otyr.
Biraq din isteri jáne azamattyq qoǵam ministri Nurlan Ermekbaev baspasóz konferentsiiasy aiasynda meditsinalyq maskalarǵa tyiym salynbaitynyn aityp ótti. Aitýynsha, meditsinalyq maskalar jumysta tehnikalyq qaýipsizdik erejelerin saqtaý úshin qoldanylady.
"Elshi keldi delik. Halyqararlyq zańnamaǵa sáikes, qoǵamda diplomatiialyq immýniteti (quqyǵy) bar adamdar bar. Elge kelgen elshiler diplomatiialyq qyzmetkerler retinde kelgen bolsa, olarda diplomatiialyq immýnitet bolady. Sondyqtan elshilerge qatysty eshqandai shara qoldanylmaidy", - dep túsindirdi Din isteri jáne azamattyq qoǵam komiteti tóraǵasynyń mindetin atqarýshy Erkin Ońǵarbaev.
Ońǵarbaevtyń aitýynsha, osy normalar jańa zańda qabyldansa shariǵat zańdarymen ómir súretin sheteldik azamattar Qazaqstan aýmaǵynda da eldiń talabyn oryndaidy. "Árbir eldiń óz zańnamasy bar. Qazaqstanda osy normalar qabyldansa, diplomatiialyq immýniteti bar adamdardan basqalary bizdiń zańnamamyzdy oryndaýy qajet bolady", - dedi Din isteri jáne azamattyq qoǵam komiteti tóraǵasynyń mindetin atqarýshy Erkin Ońǵarbaev.
Eske sala keteiik, osyǵan deiin din isteri jáne azamattyq qoǵam ministriniń orynbasary Abzal Núkenov belgili bir dini kiimderge tyiym salatyn zańdy keleke etýdiń qajeti joqtyǵyn aitqan bolatyn. "Tyiymǵa qatysty Qazaqstan ejelden toleranttyǵy men bai dástúrimen maqtana alatyn. Zań bizdiń tarihi qundylyǵymyzǵa keri áser etedi dep oilamaimyn. Qoǵamda túsinistik bolý kerek", - degen edi ol.
