2017 jylǵy 2 mamyrda Din isteri jáne azamattyq qoǵam ministri Nurlan Ermekbaev Úkimet otyrysynda Din salasyndaǵy memlekettiń saiasattyń 2017-2020 jyldarǵa arnalǵan tujyrymdamasyn tanystyrdy, dep habarlaidy "Ult aqparat".
Ministr óz sózinde Tujyrymdamanyń ózektiligi Memleket basshysynyń «Qazaqstannyń úshinshi jańǵyrýy: jahandyq básekege qabilettilik» taqyrybymen Qazaqstan halqyna arnaǵan joldaýynda jáne «Bolashaqqa baǵdar: rýhani jańǵyrý» maqalasynda aitylǵan negizgi ideialarǵa sáikes keletindigin ashyp kórsetti.
Tujyrymdamada memlekettik qurylystyń zaiyrly qaǵidattaryn nyǵaitýǵa jáne din salasyndaǵy turaqtylyqty odan ári qamtamasyz etýge baǵyttalǵan din salasyndaǵy memlekettik saiasattyń basty basymdyqtary kórinis tapqan.
Dini qaishylyqtar negizinde týyndaityn radikalizm kórinisterimen bailanystaǵy keleńsiz úrdister boi kórsetip otyrǵan qazirgi jaǵdaida qoǵam men memleket qaýipsizdigin qamtamasyz etý úshin memlekettik saiasatta jan-jaqty pysyqtalǵan ustanymdardy qalyptastyrý ortalyq mánge ie.
Ministr N.Ermekbaev óz baiandamasy barysynda elimizdiń budan keiingi bolashaq damýy din salasyndaǵy memlekettik saiasattyń pármendiligimen tyǵyz bailanysty ekendigin basa aityp ótti.
Tujyrymdama jobasyn talqylaý barysynda Qazaqstan Parlamenti Májilisiniń depýtaty J.A.Jarasov oǵan qatysty óz pikirin bildirdi. Ol Tujyrymdamanyń negizgi ideialaryna qoldaý kórsete otyryp, atalǵan mańyzdy qujattyń negizgi erejeleriniń pármendiligin arttyra túsý jelisinde qoǵam men memleket damýynyń odan ári birizdi damýyn qamtamasyz etý maqsatynda osy saladaǵy zańnamalardy jetildirý qajettigin atap ótti.
Otyrysta sóz alǵan Dintanýshylar kongresiniń tóraǵasy Baqytjan Satershinovtiń pikirinshe «...dini ekstremizmniń óse túsip otyrǵan qaýpi jaǵdaiynda din salasynda pármendi memlekettik saiasatty jolǵa qoiýdyń mańyzy úlken». Dintanýshynyń oiynsha, Tujyrymdamada elimizdiń damýynyń zaiyrly qaǵidaty turǵysynan din salasyndaǵy memlekettik saiasattyń baǵym baǵyttary durys aiqyndalǵan. Sondyqtan Tujyrymdamany tájiribelik iske asyrý memlekettiń dini birlestiktermen ózara árekettesýiniń qazaqstandyq úlgisin damytýdyń alǵyshartyn qalyptastyrady.
Qazaqstan Respýblikasynyń Premer-Ministri B.A. Saǵyntaevtyń tóraǵalyǵymen ótken Úkimet otyrysynda Din salasyndaǵy memlekettiń saiasattyń 2017-2020 jyldarǵa arnalǵan tujyrymdamasy biraýyzdan maquldandy.
