QMDB naib múftii Ershat Ońǵarov din qyzmetkerleri ishinde koronavirýsty juqtyrǵan adamnyń tirkelmegenin málim etti, dep habarlaidy "Ult aqparat".
«Din qyzmetkerleri aarsynda koronavirýsty juqtyrǵan jaǵdai bolǵan joq. Al koronavirýstan qaitys bolǵan adamnyń janazasyn shyǵarý barysynda imam alystan qatysty. Jerleý protsesine imam qatyspaidy. Janaza shyǵarǵan imam karantinge jatqyzylǵan joq», - dedi OKQ-da ótken baspasóz máslihatynda QMDB naib múftii Ershat Ońǵarov.
Onyń aitýynsha QMDB koronavirýstan qaitys bolǵan adamnyń janazasyna eń jaqyn týystardyń qatysýyna úndegen. Úndeý juqpaly aýrýdyń taralýyna jol bermeý úshin jariialanǵan.
