Foto: skrinshot
Dimash Qudaibergenniń prodiýserlik jobasy – «Voice Beyond Horizon» mýzykalyq realiti-shoýy internet keńistiginde 1,5 milliardtan astam qaralym jinady, dep habarlaidy Ult.kz.
Eki ai boiy efirge shyqqan joba jas vokalisterdiń talantyn tanytyp qana qoimai, Qazaqstannyń tabiǵi jáne mádeni erekshelikterin álemge nasihattaýda. CMMR kompaniiasynyń málimetine sáikes, shoýdyń jalpy qaralymy 1,59 milliardqa jetip, maquldaý indeksi 100 paiyzdy quraǵan.
Joba Dengta, Vlinkage jáne Endata platformalaryndaǵy reitingterde birinshi orynǵa shyqqan. Sonymen qatar, shoý segiz apta qatarynan tórt túrli reiting boiynsha kósh bastap, Qytaidyń óńirlik spýtniktik telearnalary arasynda joǵary kórsetkishke ie boldy.
Baǵdarlamaǵa qatysýshylardyń videolary da keńinen taralyp, árqaisysy 1 millionnan astam qaralym jinaǵan. Mýzykalyq synshylar men blogerler jobany «mýzykalyq sheberlik pen mádeni qundylyqty úilestirgen sapaly týyndy» dep baǵalaýda.
Shoý halyqaralyq áleýmettik jelilerde de úlken qyzyǵýshylyq týdyryp, YouTube jáne basqa platformalarda túrli elderdiń blogerleri reaktsiialyq videolar jariialaǵan.
Jobaǵa Qytaidyń jetekshi BAQ-tary da joǵary baǵa bergen. Atap aitqanda, Jenmin Jibao basylymy jobanyń mádeni almasýdaǵy mańyzyn atap ótse, Sinhýa agenttigi arnaiy reportaj ázirleýde. Al Gýanmin Jibao gazeti jobanyń tarihi jáne mádeni mazmunyn joǵary baǵalaǵan.
Sondai-aq jobaǵa qatysty taqyryptar Weibo, Red Note jáne TikTok platformalarynda 300-den astam ret trendke engen.
«Voice Beyond Horizon» shoýy túrli elderdiń memlekettik organdary men diplomatiialyq ókildikterinen de qoldaý tapqan. Joba aiasynda Qazaqstannyń Týrkistan óńiri, Aqtaýdaǵy Kaspii teńizi men Almaty qalasynyń mádeni ómiri keńinen tanystyrylýda.
Aita keteiik, baǵdarlama ár beisenbi Hunan TV jáne Mango TV platformalarynda, al senbi kúnderi «Qazaqstan» telearnasynan kórsetiledi.
