فوتو: سكرينشوت
ديماش قۇدايبەرگەننٸڭ پروديۋسەرلٸك جوباسى – «Voice Beyond Horizon» مۋزىكالىق رەاليتي-شوۋى ينتەرنەت كەڭٸستٸگٸندە 1,5 ميللياردتان استام قارالىم جينادى, دەپ حابارلايدى Ult.kz.
ەكٸ اي بويى ەفيرگە شىققان جوبا جاس ۆوكاليستەردٸڭ تالانتىن تانىتىپ قانا قويماي, قازاقستاننىڭ تابيعي جەنە مەدەني ەرەكشەلٸكتەرٸن ەلەمگە ناسيحاتتاۋدا. CMMR كومپانيياسىنىڭ مەلٸمەتٸنە سەيكەس, شوۋدىڭ جالپى قارالىمى 1,59 ميللياردقا جەتٸپ, ماقۇلداۋ يندەكسٸ 100 پايىزدى قۇراعان.
جوبا Dengta, Vlinkage جەنە Endata پلاتفورمالارىنداعى رەيتينگتەردە بٸرٸنشٸ ورىنعا شىققان. سونىمەن قاتار, شوۋ سەگٸز اپتا قاتارىنان تٶرت تٷرلٸ رەيتينگ بويىنشا كٶش باستاپ, قىتايدىڭ ٶڭٸرلٸك سپۋتنيكتٸك تەلەارنالارى اراسىندا جوعارى كٶرسەتكٸشكە يە بولدى.
باعدارلاماعا قاتىسۋشىلاردىڭ ۆيدەولارى دا كەڭٸنەن تارالىپ, ەرقايسىسى 1 ميلليوننان استام قارالىم جيناعان. مۋزىكالىق سىنشىلار مەن بلوگەرلەر جوبانى «مۋزىكالىق شەبەرلٸك پەن مەدەني قۇندىلىقتى ٷيلەستٸرگەن ساپالى تۋىندى» دەپ باعالاۋدا.
شوۋ حالىقارالىق ەلەۋمەتتٸك جەلٸلەردە دە ٷلكەن قىزىعۋشىلىق تۋدىرىپ, YouTube جەنە باسقا پلاتفورمالاردا تٷرلٸ ەلدەردٸڭ بلوگەرلەرٸ رەاكتسييالىق ۆيدەولار جارييالاعان.
جوباعا قىتايدىڭ جەتەكشٸ باق-تارى دا جوعارى باعا بەرگەن. اتاپ ايتقاندا, جەنمين جيباو باسىلىمى جوبانىڭ مەدەني الماسۋداعى ماڭىزىن اتاپ ٶتسە, سينحۋا اگەنتتٸگٸ ارنايى رەپورتاج ەزٸرلەۋدە. ال گۋانمين جيباو گازەتٸ جوبانىڭ تاريحي جەنە مەدەني مازمۇنىن جوعارى باعالاعان.
سونداي-اق جوباعا قاتىستى تاقىرىپتار Weibo, Red Note جەنە TikTok پلاتفورمالارىندا 300-دەن استام رەت ترەندكە ەنگەن.
«Voice Beyond Horizon» شوۋى تٷرلٸ ەلدەردٸڭ مەملەكەتتٸك ورگاندارى مەن ديپلوماتييالىق ٶكٸلدٸكتەرٸنەن دە قولداۋ تاپقان. جوبا اياسىندا قازاقستاننىڭ تۋركٸستان ٶڭٸرٸ, اقتاۋداعى كاسپيي تەڭٸزٸ مەن الماتى قالاسىنىڭ مەدەني ٶمٸرٸ كەڭٸنەن تانىستىرىلۋدا.
ايتا كەتەيٸك, باعدارلاما ەر بەيسەنبٸ Hunan TV جەنە Mango TV پلاتفورمالارىندا, ال سەنبٸ كٷندەرٸ «Qazaqstan» تەلەارناسىنان كٶرسەتٸلەدٸ.
