Qazaqstandyq ánshi Dimash Qudaibergenniń Qytaidaǵy «Singer - 2017» baiqaýynyń onynshy kezeńinde Qazaq-qytai tilinde oryndaǵan «Umytylmas kún» áni «Aziianyń jańa ánderi» (Freshasia music) reitinginde birinshi orynǵa shyqty, dep habarlaidy QazAqparat tilshisi.
Ár 10 minýt saiyn jańalanatyn reiting aziialyq ánshilerdiń Qytaidaǵy tanymaldylyǵyna bailanysty jasalyp otyrady. Onda ánderdiń tyńdalymy, aqyly túrde júktep alynýy boiynsha upailar berilip, reiting qurylady. Reitingte ánshiniń bir mezgilde úsh áni ǵana ene alady.
Jańa reitingte Dimashtyń «Umytylmas kún» áni 118400 upai jinap 1- oryn, «Battle of Memories» kinosynyń saýndtregi «Memories That Can't Take Away» áni 115029 upaimen 2-orynnan kórindi. Al Dimash baiqaýdyń jetinshi kezeńinde shyrqaǵan «Daididaý» áni 14-orynǵa jaiǵasty.
Freshasia music-tyń 3 sáýirden 9 sáýirge deiingi 96-kezekti aptalyq TOP-20 reitinginde Dimashtyń oryndaýyndaǵy «Umytylmas kún» 2-oryn, «Memories That Can't Take Away» 4-oryn, «Daididaý» 20-orynnan kórindi.
Eske sala keteiik, buǵan deiin Dimashtyń «Singer» baiqaýynyń túrli kezeńderinde oryndaǵan «Qońyr kúz», «Uptown Funk», «Adagio» men «SOS d'un terrien en détresse» ánderi de osy reitingten kóringen.
