Belarýstiń Vitebsk qalasynda ótken «Slavian bazary» halyqaralyq óner festivaliniń jabylý saltanatyna qurmetti qonaq retinde shaqyrylǵan qazaqstandyq ánshi Dimash Qudaibergen «Adajio» ánin oryndady, dep habarlaidy Ult.kz tilshisi QazAqparat agenttigine silteme jasap.
Kórermender Dimashtyń ónerine tánti bolyp, úlken qoshamet kórsetti. Óz kezeginde, ánshi ózine osyndai múmkindik týǵyzǵan festival uiymdastyrýshylaryna óz alǵysyn jetkizdi.
Aita keterligi, festivaldiń biylǵy dodasyna qazaqstan atynan Aigerim (Ayree) Raqysheva qatysýda. Baiqaýdyń eki kezeńiniń qortyndyy boiynsha ýkrainalyq ánshi Vlad Sytnik jáne belarýs ánshisi Egora Sharankova 151 baldan jinap, sýyrylyp alǵa shyqty.
Eske sala keteiik, buǵan deiin elimizdiń namysyn Alisher Karimov, Marhaba Sábi, Dinara Sultan, Berdibek Qulǵaraev syndy ánshiler qorǵaǵan. Sondai-aq, 2015 jylǵy dodada Dimash baiqaýdyń bas júldesin jeńip alǵan bolatyn.
