Milliondaǵan jankúier júreginiń tórinen oryn alyp úlgergen Dimash Qudaibergen Qytaidyń Shenchjen qalasynda ótetin «2017 MTV Global Chinese Music Awards» sharasynyń 2 nominatsiiasy boiynsha úmitker atandy, dep habarlaidy Ult.kz tilshisi QazAqparat agenttigine silteme jasap.
Sharanyń resmi veb-saitynda (mtv.com.tw) Dimash «Eń úzdik sheteldik tanymal ánshi» jáne «Eń tanymal jańa ánshi» nominatsiialaryna usynylǵan. Al ár atalymda Dimashtan ózge taǵy 8 úmitker bolyp otyr.
«2017 MTV Global Chinese Music Awards» Qytaidaǵy eń aýqymdy mýzykalyq shara bolyp sanalady. Marapattaý keshi 2 shilde kúni Shenchjen qalasynda ótedi. Shara barysynda 44 úmitker 10 nominatsiia boiynsha jeńimpazdy anyqtaidy. Úmitkerler arasynda Qytai estradasynyń juldyzdary bar.
Aita keteiik, «Eń úzdik sheteldik tanymal ánshi» nominatsiiasynda 2016 jyly Koreia ánshisi Chon Djihýn (Rain) jeńiske jetken bolatyn.
Dimash Qytaidyń «Singer 2017» án baiqaýynan keiin, Qytaida «Aziianyń eń tanymal ánshisi», «Halyqaralyq dárejedegi tanymal ánshi» jáne «Jyldyń eń tanymal ánshisi» júldelerin jeńip aldy.
