Foto: t.me/qaztourism
Qazaqstanda «Voice Beyond Horizon» dep atalatyn aýqymdy mýzykalyq telejobanyń túsirilimi bastaldy. Shoýdy Dimash Qudaibergen men Qytaidyń iri mediaholdingteriniń biri – Hunan TV telearnasy birlesip júzege asyrady.
Jobaǵa Qytai, Qyrǵyzstan, Italiia, Túrkiia jáne Serbiiadan kelgen oryndaýshylar qatysýda. Olar Dimashpen birge Qazaqstannyń kórikti óńirlerine shyǵarmashylyq sapar jasaidy.
Túsirilim Astana men Almaty qalalarynda, sondai-aq Almaty, Aqmola, Túrkistan jáne Mańǵystaý oblystarynda ótedi.
Realiti-shoýdyń aqtyq kezeńi elordada uiymdastyrylmaq.
Qatysýshylar poiyzben jolǵa shyǵyp, eldiń tabiǵi jáne tarihi nysandaryna aialdaidy. Negizgi aialdamalar qatarynda Kóbeituz kóli, Sharyn jáne Bozjyra shatqaldary, Sairam-Ógem ulttyq parki bar.
Mýzykanttar shyǵarmashylyq kezdesýler ótkizip, jeke jáne dýet túrinde óner kórsetedi. Sonymen birge sheberlik sabaqtaryn uiymdastyryp, birlesken perfomans qoiylymdaryn usynady. Olardyń ónerin halyqaralyq deńgeidegi kásibi qazylar alqasy baǵalaidy.
Baǵdarlama Hunan TV telearnasynda jáne Mango TV tsifrlyq platformasynda kórsetiledi. Bul mediaresýrstardyń aýditoriiasy Qytai men ózge elderde 1 milliardtan astam kórermendi qamtidy.
«Voice Beyond Horizon» jobasy Qazaqstannyń mádeni murasyn jáne týristik áleýetin álemdik arenada tanytýǵa baǵyttalǵan mańyzdy bastama bolmaq.
Aita keteiik, tanymal halyqaralyq agenttik Dimash Qudaibergen týraly maqala jariialady.
